Read Siyin Chin 1 John 5 Bible Online

1 John 5 - Siyin Chin bible

1 John 5

¹Jesus sia Messiah hi ci a, a um pawpo sia Pathian ii ta khat ahi hi; tuaciang pa a it khat in a tapa zongh a it hi.

²Pathian it a, ama thupiakte zuina taw Pathian ii tate a it ih hi hunlam ih he hi.

³Banghang ziam cile Pathian ih itna ii khiakna sia ama thupiakte ih zui hi cinopna ahi hi. Tuaciang ama thupiakte sia ei atu in a haksa lei bua hi,

⁴banghang ziam cile Pathian ii tate khat simin leitung zothal thei hi. Tuaciang ih upna taw leitung zawna ih nga hi.

⁵A kua in leitung zo zo tu ziam? Jesus sia Pathian Tapa hi ci in a um sia bek ahi hi.

⁶Jesus Christ sia, tui a kiphumna tui le a thina chisan taw hong paipa ahi hi. Ama in tui nguak taw hong pai ngawlin, tui le chisan taw hong pai hi. Tuaciang Thaa mama in hi thu maan hi ci in tetti pang hi, banghang ziam cile Thaa sia Thumaan thutak ahi hi.

⁷Tua atu in tetti thum om hi:

⁸Thaa, tui le chisan hi a; a thum in a kibang tetti panna nei uh hi.

⁹Mihing tetti panna ih um hi; ahihang Pathian tetti panna khozaw lai a, a Tapa huvau sia ama in tubangin tetti pang hi.

¹⁰Tua ahikom a kuama po Pathian ii Tapa a umte in ama thinsung ah hi tetti nei hi; ahihang a kuama po Pathian a um ngawlte in Pathian sia leilot pa suaksak hi, banghang ziam cile Pathian ii ama Tapa huvau a sonsa teng um ngawl ahihang hi.

¹¹Tua tetti in hi sia hi: Pathian in eite tawntung nuntakna hong pia zo a, hi nuntakna ii a naak sia a Tapa ahi hi.

¹²Tapa a nei a kuama po in hi nuntakna nei hi; Pathian Tapa a nei ngawl pawpo in nuntakna a nei bua hi.

¹³Pathian Tapa a um note — tawntung nuntakna na nei uh hunlam na heak natu in hi lai kong at hi.

¹⁴Eite in Pathian mai ah thinhanna ih nei hi, banghang ziam cile ama deina taw kisi in bang khat po ih ngen le ama in hong za hi, ci in ih muang hi.

¹⁵Ih nget simin hong za hi: hi thu, thumaan hi ci in ih heak pan kipan, ama tungah ih nget teng ama in hong pia hi ci thu zongh ih he hi.

¹⁶Na suapuipa in thina dong a then thei tu ahi ngawl mawna khat a vawt le ama nuntakna a pia tu Pathian munah thu ngetsak in. Hi sia in thina hong then thei mawnate ngawl buang atu in a kizangh thei thu ahi hi. Ahihang thina dong hong then thei mawna om a, tua tungtaang ah Pathian munah thungetsak tu kong ci bua hi.

¹⁷Ngamtat khialna theampo mawna hi a, ahihang thina dong hong then ngawl mawna om hi.

¹⁸Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.

¹⁹Simlei buppi sia Ngilopa ukna nuai ah om kale, ei sia Pathian neisa ih hi hunlam ih he hi.

²⁰A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

²¹Ka tate awng, a maan ngawl pathiante panin noma le noma na kikeam tavun!