Read Siyin Chin Thukhente 17 Bible Online

Thukhente 17 - Siyin Chin bible

Thukhente 17

¹Khatvei lai in, Ephraim mualtung ngam a teang Micah a kici pasal khat om hi.

²Ama in a nu munah, “Tua ngunntang tul le zakhat nang tung pan khat ii hong nguksak lai in, nguta pa na tomlaw hi. Na tomlaw hong za khi hi. En in! A dangka keima in nei khi hi. A la sia keima khi hi,” ci hi. A nu in, “TOPA in nang thupha hong pia tahen, ka tapa awng!” ci hi.

³Ama in a sum teng a nu piakik a, a nu in, “Haamsiatna ka tapa tung hong tun ngawl natu in, keima mama in tua ngunntang TOPA tungah ciliap huai takin aaptuam khi hi. Ngunn taw a kituam thingngel milim khat vawtna in kizangh tu hi. Tua ahikom tu in tua ngunntang teng nang hong pia kik tu khi hi,” ci hi.

⁴Tua zawkciang ama in tuate a nu piakik hi. A nu in ngunntang 200 la in thikseak te khat pia hi, tua pa in thingngel milim khat vawt a, ngunn taw tuam hi. Tua milim sia Micah ii inn ah koi hi.

⁵Micah in ama biakpiakna mun a tuamin nei hi. Ama in milim pawlkhat le ephod khat vawt a, tuaciang a tapate khat sia thiampi in koi hi.

⁶Tua hun lai in Israel ah kumpi a om bua hi; mi theampo amate uuk bang tekin ngamta uh hi.

⁷Tua hun laitak ma in Judah ngam Bethlehem khua ah a teang Levi te khangmoi khat om hi.

⁸Ama in Bethlehem nusia in a teen natu mun khat zong hi. Ama sia khual a haw laitakin, Ephraim mualtung ngam Micah inn hong theng hi.

⁹Micah in, “Koisung pan hong pai ni ziam?” ci in dongh hi. Ama in zo kik a, “Kei sia Judah ngam Bethlehem khua pan Levi te khat ka hi a, ten natu mun zong khi hi,” ci hi.

¹⁰Micah in, “Keima kungah hong om ta'n. Ka thudokpa ka thiampipa hong hi ta'n a, kum khat in ngunntang sawm taw na puansilh le na anneak tu kong pia tu hi,” ci hi.

¹¹Levi khangno pa sia Micah taw om tu lungkim in, a tapa khat bang hong suak hi.

¹²Micah in ama sia a thiampi in koi in, a inn ah teang hi.

¹³Micah in, “Tu in Levi mi khat ka thiampi in nei ka hi ciang TOPA in thupiangte kei atu in a dik a pha in hong piangsak tu cisia ka he hi,” ci hi.