Read Somali Bible, 2008 Sabuurradii 66 Bible Online

Sabuurradii 66 - Somali Bible, 2008 bible

Sabuurradii 66

¹Dadka dhulka oo dhammow, Ilaah farxad ugu qayliya,

²Oo ammaanta magiciisa ku gabya, Ammaantiisana qurxiya.

³Ilaah waxaad ku tidhaahdaan, Shuqulladaadu cabsi badanaa! Weynaanta xooggaaga aawadiis ayaa cadaawayaashaadu isugu kaa dhiibi doonaan.

⁴Dadka dhulka oo dhammu adigay ku caabudi doonaan, Wayna kuu gabyi doonaan, Magacaagay u gabyi doonaan. (Selaah)

⁵Bal kaalaya, oo arka shuqullada Ilaah, Xagga binu-aadmiga wuxuu ku sameeyey waa cabsi badan yihiin.

⁶Wuxuu baddii ka dhigay dhul engegan, Oo iyagu webiga dhexdiisa waxay ku mareen lug, Oo halkaasaan isaga ku rayraynay.

⁷Isagu weligiisba wuxuu ku taliyaa xooggiisa, Oo indhihiisuna waxay fiiriyaan quruumaha, Haddaba caasiyiintu yaanay kor isu qaadin. (Selaah)

⁸Dadyahow, Ilaaheenna ammaana, Oo codka ammaantiisa ha la maqlo,

⁹Kaasoo nafteenna nolol ku haya, Oo cagaheennana aan u oggolayn in la dhaqdhaqaajiyo.

¹⁰Waayo, Ilaahow, adigu waad na imtixaantay, Oo waxaad noo tijaabisay sida lacagta loo tijaabiyo.

¹¹Waxaad na gelisay shabagga dabinka ah, Oo waxaad simaha naga saartay culaab weyn.

¹²Dad baad madaxa naga saartay, Oo waxaannu dhex galnay dab iyo biyo, Laakiinse ugudambaysta waxaad na keentay meel barwaaqo ah.

¹³Haddaba anigu gurigaaga waxaan la soo geli doonaa allabaryo la gubo, Oo waxaan kuu oofinayaa nidarradaydii

¹⁴Bushimahaygu ay ku hadleen, Oo afkaygu sheegay markii aan dhibaataysnaa.

¹⁵Oo waxaan allabaryo la gubo kuugu soo bixinayaa xoolo buurbuuran Iyo wanan iyo fooxood, Oo waxaan kuu soo bixin doonaa dibiyo iyo orgiyo. (Selaah)

¹⁶Kulli intiinna Ilaah ka cabsataay, kaalaya oo maqla, Oo waxaan sheegayaa wuxuu naftayda u sameeyeye.

¹⁷Isagaan afkayga ugu qayshaday, Oo waxaan ku ammaanay carrabkayga.

¹⁸Haddaan dembi qalbigayga ku arkay, Sayidku ima uu maqleen,

¹⁹Laakiinse sida runta ah Ilaah waa i maqlay, Oo codkii baryadaydana dhegtuu u dhigay.Mahad waxaa leh Ilaaha Aan baryadayda diidin oo aan naxariistiisana gees iga marin.

²⁰Mahad waxaa leh Ilaaha Aan baryadayda diidin oo aan naxariistiisana gees iga marin.