Read Sosoxi Matiyu 1 Bible Online

Matiyu 1 - Sosoxi bible

Matiyu 1

¹Isa, Ala xa Mixi Sugandixi naxan fatan Dawuda nun Iburahima bɔnsɔɛ ra, a benbae xilie nan yi ki:

²Iburahima naxa Isiyaga sɔtɔ.Isiyaga naxa Yaxuba sɔtɔ.Yaxuba naxa Yuda nun a taarae nun a xunyae sɔtɔ.

³Yuda naxa Peresi nun Sera sɔtɔ, Tamari xa die.Peresi naxa Xesiron sɔtɔ.Xesiron naxa Arami sɔtɔ.

⁴Arami naxa Aminadabo sɔtɔ.Aminadabo naxa Naxason sɔtɔ.Naxason naxa Salimon sɔtɔ.

⁵Salimon naxa Boosu sɔtɔ, Raxabi xa di.Boosu naxa Obedo sɔtɔ, Ruti xa di.

⁶Obedo naxa Yisayi sɔtɔ.Yisayi naxa Dawuda sɔtɔ. Mangɛ Dawuda naxa Sulemani sɔtɔUriya xa ginɛ saabui ra.

⁷Sulemani naxa Robowami sɔtɔ.Robowami naxa Abiya sɔtɔ.Abiya naxa Asa sɔtɔ.

⁸Asa naxa Yehosafati sɔtɔ.Yehosafati naxa Yehorami sɔtɔ.Yehorami naxa Yusiya sɔtɔ.

⁹Yusiya naxa Yotami sɔtɔ.Yotami naxa Axasi sɔtɔ.Axasi naxa Xesekiya sɔtɔ.

¹⁰Xesekiya naxa Manasi sɔtɔ.Manasi naxa Amon sɔtɔ.Amon naxa Yosiya sɔtɔ.

¹¹Yosiya naxa Yekoniya nun a xunyae sɔtɔ,Isirayilakae xaninxi Babilɔn tɛmui naxɛ.

¹²E to siga Babilɔn, Yekoniya naxa Salatiyeli sɔtɔ.Salatiyeli naxa Sorobabeli sɔtɔ.

¹³Sorobabeli naxa Abiyudi sɔtɔ.Abiyudi naxa Eliyakimi sɔtɔ.Eliyakimi naxa Asoro sɔtɔ.

¹⁴Asoro naxa Sadɔki sɔtɔ.Sadɔki naxa Aximi sɔtɔ.Aximi naxa Eliyudi sɔtɔ.

¹⁵Eliyudi naxa Eleyasari sɔtɔ.Eleyasari naxa Matan sɔtɔ.Matan naxa Yaxuba sɔtɔ.

¹⁶Yaxuba naxa Yusufu sɔtɔ.Yusufu naxa Mariyama dɔxɔ.Mariyama nan findi Isa nga ra,naxan xili Ala xa Mixi Sugandixi.

¹⁷A birin nalanxi benba dɔxɔ fu nun naani, keli Iburahima ma sa dɔxɔ Dawuda ra. A birin nalanxi benba dɔxɔ fu nun naani, keli Dawuda ma, han Isirayilakae siga tɛmui naxɛ Babilɔn. A birin nalanxi benba dɔxɔ fu nun naani, keli Isirayilakae siga tɛmui ma Babilɔn, han a sa dɔxɔ Ala xa Mixi Sugandixi xa waxati ra. Isa bari ki naxɛ

¹⁸Ala xa Mixi Sugandixi Isa xa bari raba yi ki nɛ: Yusufu nu bara Isa nga Mariyama xa kote dɔxɔ, kɔnɔ beenun e xa kafu, Mariyama naxa tɛɛgɛ Ala Xaxili Sɛniyɛnxi xa kaabanako saabui ra.

¹⁹A xa mɔri Yusufu to findixi tinxintɔɛ ra, a mu nu waxi Mariyama xili kanafe. A naxa natɛ tongo e xa fatan gundoɲɔxɔɲa kui.

²⁰A nu a maɲɔxunma na fe ma tɛmui naxɛ, Marigi xa malekɛ nde naxa mini a ma xiye kui, a a masen a bɛ, «Yusufu, i tan naxan kelixi Dawuda bɔnsɔɛ, i naxa gaaxu i xa ginɛ Mariyama futife ra, barima a tɛɛgɛxi di naxan ma, a fatanxi Ala Xaxili Sɛniyɛnxi xa kaabanako nan na.

²¹Mariyama fama di xɛmɛ nan baride. I xa a xili sa Isa, barima a tan nan fama a xa ɲama rakiside e xa yunubie ma.»

²²Na birin naba nɛ alako Marigi naxan masen namiɲɔnmɛ saabui ra, a xa kamali alɔ a sɛbɛxi Kitaabui kui ki naxɛ,

²³«Ginɛdimɛdi tɛɛgɛma nɛ, a di xɛmɛ bari.E a xili falama nɛ Emanuwɛli.» Na nan na ki, «Ala na won ya ma.»

²⁴Yusufu to xunu, a naxa Marigi xa malekɛ xa yaamari rabatu, a a xa ginɛ xa futi xiri.

²⁵Kɔnɔ a mu a kolon ginɛ ra han Mariyama xa di xɛmɛ bari xanbi. A naxa na di xili sa Isa.