Read Sosoxi Waxayi 12 Bible Online

Waxayi 12 - Sosoxi bible

Waxayi 12

¹Tɔnxuma belebele naxa mini koore ma. Soge nu na na ginɛ nde rabilinyi, kike nu na a sanyi bun ma, tunbui fu nun firin nu na a xun na alɔ mangɛ katanyi.

²A nu na gbelegbelefe tɔɔrɛ kui, barima a nu na di barife a tɛɛgɛxi naxan ma.

³Tɔnxuma gbɛtɛ fan naxa mini koore ma. Sube magaaxuxi xungbe nde nu na, a gbeelixi alɔ tɛ, xunyi solofere nu na a bɛ, a nun feri fu. Mangɛ katanyie nu na a xunyi solofere birin fari.

⁴Tunbui itaxunxi saxan na, a xuli naxa din na dɔxɔde saxan nde ra, a e woli bɔxi ma. Sube magaaxuxi naxa keli, a fa ti ginɛ ya i naxan nu na di barife, alako a xa na diyɔrɛ don.

⁵Ginɛ naxa di xɛmɛ bari, naxan fama si birin yamaride a xɔrɔxɔɛ ra. Ginɛ to di bari, na di naxa te Ala yire, a xa mangɛ kibanyi na dɛnnaxɛ.

⁶Ginɛ naxa a gi, a siga yire nde gbengberenyi ma Ala nu bara naxan yailan a bɛ, alako a xa balo mɛnni xi wulu keren xi kɛmɛ firin nun tongo senni bun ma.

⁷Gere naxa mini koore ma. Minkayilu nun a xa malekɛe naxa na sube magaaxuxi nun a xa malekɛe gere,

⁸kɔnɔ na sube mu nɔ Minkayilu nun a xa malekɛe ra. Na kui, sube magaaxuxi nun a xa malekɛe mu nɔ sabatide koore ma sɔnɔn.

⁹E naxa na sube magaaxuxi xungbe woli bɔxi ma, a nun a xa malekɛe. A tan nan findixi na bɔximase fori ra, naxan xili Ibulisa, xa na mu a ra Sentanɛ. A bara duniɲa birin madaxu.

¹⁰Na tɛmui, n naxa xui itexi mɛ koore ma, a a falama,«Yakɔsi, kisi tɛmui bara a li,muxu Marigi Ala sɛnbɛ nun a xa mangɛya,nun a xa Mixi Sugandixi xa mangɛya bara fa,barima naxan nu muxu ngaxakerenyie kalamumamuxu Marigi Ala ya i kɔɛ nun yanyi ra,na bara bira.

¹¹Muxu ngaxakerenyie xutu sɔtɔxi a maYɛxɛɛyɔrɛ wuli nun e xa seedeɲɔxɔya nan saabui ra.E mu kankan e xa simaya ma,e mu gaaxu faxɛ ya ra.

¹²Na kui, koore nun naxee sabatixi naa,e xa ɲɛlɛxin.Kɔnɔ ɲaxankatɛ bara lu bɔxi nun baa ma,barima Ibulisa bara bira wo mabiri.A xɔnɔxi barima a bara a kolona tɛmui gbegbe mu luxi a bɛ kɔrɛ.»

¹³Sube magaaxuxi to a kolon, e bara a woli bɔxi ma, a naxa bira na ginɛ fɔxɔ ra, naxan na di xɛmɛ bari.

¹⁴Kɔnɔ xaruma gabutenyi naxa lu na ginɛ bɛ, alako a xa tugan sigafe ra gbengberenyi ma, a luma balo ra dɛnnaxɛ waxati saxan nun a tagi bun ma. Mɛnni a nu bara makuya na bɔximase ra.

¹⁵Kɔnɔ bɔximase naxa xure ramini a dɛ kui, a xa ginɛ madula.

¹⁶Na tɛmui bɔxi naxa na xure ye min, sube magaaxuxi nu bara naxan namini a dɛ kui, alako a xa na ginɛ rakisi.

¹⁷Sube magaaxuxi to xɔnɔ na ginɛ ma, a naxa siga na ginɛ bɔnsɔɛ dɔnxɔɛe gerede, naxee Ala xa sɛriyɛ rabatuma, e man la Isa xa seedeɲɔxɔya ra.

¹⁸Na sube magaaxuxi naxa ti baa dɛ ra mɛyɛnyi fari.