Read South Giziga GEN 36 Bible Online

GEN 36 - South Giziga bible

GEN 36

¹Esaw, a zilaka Edom ma. Mizli ngi wazlaray naŋhaya, slimiɗ taŋhay ani:

²Esaw a zuɓ ngwasaya i ziri Kanaˀanay: Ada zuŋ ngi Eloŋ, mbur Hiti, Oholibama zuŋ ngi Ana, dideˀ ngi Sibeyoŋ, mbur Hivi,

³waɗ Basmat zuŋ ngi Ismayel, yo i sukum ngi Nebayot.

⁴Ada a yi Elifas da Esawa, yo Basmat kwana a yaŋ Rewel.

⁵Oholibama a yaŋ Yewus, Yalam waɗ Kora. Tayna i ziri ngi Esaway, a yakaŋ taŋ a ruwuy Kanaˀan.

⁶Esaw a hila ngwas naŋhay, ziri naŋ mizilehey ati mongosohoy, mizli ngi hay naŋhay gar, zlili naŋ gar, ginew naŋhay gar waɗ gwatay naŋ muluma taŋ a ruwuy Kanaˀan gar, dar a cuh nga hirwuy mekelem, kileŋ avu sukum naŋ Zakopo.

⁷Naŋ kine, zlili taŋhay a gam le haɗi, a cifam arleˀe gu ta, yo hirwuy taŋ misi anga vuna, a ndila ɓa a kiɗa taŋ may wãˀ ta, asi ginew taŋhaya taŋ haɗi.

⁸Esaw a pa haya a muwã Seˀir. Esaw i Edom.

⁹Muy ngi Esaway, dideˀ ngi Edomoy a muwã Seˀire, slimiɗ taŋhay ani:

¹⁰Slimiɗ ngi ziri naŋ mizilehey ani: Elifas mangal ngi Ada, ngwas ngi Esaw, waɗ Rewel mangal ngi Basmat, ngwas ngi Esaw.

¹¹Ziri ngi Elifasay i ti: Temaŋ, Omar, Sefo, Gatam waɗ Kenas.

¹²Timna mangasl ngi Elifas, mangal ngi Esawa, a yaŋ mangal mizile mazilaka Amalek. Tayna i dideˀ ngi Ada ngwas ngi Esaw.

¹³Ziri ngi Reweley i ti: Nahat, Zera, Samma waɗ Miza. Tayna i dideˀ ngi Basmatay, ngwas ngi Esaw.

¹⁴Ziri ngi Oholibama, zuŋ ngi Ana, dideˀ ngi Sibeyoŋ, yo i ngwas ngi Esaw, a yaŋ Yewus, Yalam waɗ Kora.

¹⁵Pura buyoy asi ziri ngi Esaway t'ani: asi ziri ngi Elifas modogom ngi Esaw, buyoy i ti: buy Temaŋ, Omar, Sefo, Kenas,

¹⁶Kora, Gatam waɗ Amalek. Tayna i buyoy muboko tivi Elifas angi hirwuy Edom, i dideˀ ngi Adahay.

¹⁷Asi ziri ngi Reweley mangal ngi Esawa, buyoy i ti: buy Nahat, Zera, Samma waɗ Miza. Tayna i buyoy muboko tivi Rewel angi hirwuy Edom, i dideˀ ngi Basmatay, ngwas ngi Esaw.

¹⁸Asi ziri ngi Oholibamahay ngwas ngi Esaw, buyoy asi taŋ i ti: buy Yewus Yalam, Kora. Tayna i buyoy muboko tivi Oholibama, zuŋ ngi Ana ngwas ngi Esaw.

¹⁹Taŋ gar taŋ i dideˀ ngi Esaway, i buyoy tehhe a muŋ. Esaw i Edom.

²⁰Dideˀ ngi Seˀirey, mbur Horit, micifam zleˀe angi hirwuy Edomo, t'ani: Lotaŋ, Sobal, Sibeyoŋ, Ana,

²¹Disoŋ, Eser waɗ Disaŋ. Tayna i buy ngi Horihey, i ziri ngi Seˀirey a ruwuy Edom.

²²Ziri ngi Lotaŋhay i ti: Hori ati Hemam. Timna i sukum mongoso ngi Lotaŋ.

²³Ziri ngi Sobalay i ti: Alvaŋ, Manahat, Ebal, Sefo waɗ Onam.

²⁴Ziri ngi Sibeyoŋhoy i ti: Aya ati Ana. Muluma yam a wuzla ɓuh mikirɗak kirɗak i Ana vuna, ti naŋ majigin zungu ngi cine naŋ Sibeyoŋhoy.

²⁵Ziri ngi Anahay i ti: Disoŋ ati Oholibama, zuŋ naŋ mongosoŋ.

²⁶Ziri ngi Disohõy i ti: Hemdaŋ, Esbaŋ, Itraŋ waɗ Keraŋ.

²⁷Ziri ngi Eserey i ti: Bilehaŋ, Zavaŋ waɗ Akaŋ.

²⁸Ziri ngi Disaŋhay i ti: Us waɗ Araŋ.

²⁹Buy ngi Horihey i ti: buy Lotaŋ, Sobal, Sibeyoŋ, Ana,

³⁰Disoŋ, Eser, Disaŋ. Tayna i buyoy muboko tivi Amorihey ti sukwi ti sukwi, asi ruwuy Seˀir.

³¹Buyoy muzumam buy angi hirwuy Edom dumbuŋ dumbuŋ, naɓa mbur Israyel a zum buy ɗaˀ t'aruŋ na, i ti:

³²Bela, mangal ngi Beˀor, a zum buy a Edom. Slimiɗ ngi walahay naŋ a zilaka Dinaba.

³³Bela a mucu, dar Yobap, mangal ngi Zera, ngir walahay Bosra, a zum buy ar li naŋ.

³⁴Yobap a mucu, Husam ngi hirwuy Temanit a zum buy ar li naŋ.

³⁵Husam a mucu, Hadat mangal ngi Bedat a zum buy ar li naŋ. Mikiɗa mizli madiyaŋhay a ruwuy Zoˀap na i naŋ. A zilaka walahay naŋ Avit.

³⁶Hadat a mucu, Samla ngi ruwuy Masreka, a zum buy ar li naŋ.

³⁷Samla a mucu, Sawul ngi ruwuy Rehobot ngi mi mizaw, a zum buy ar li naŋ.

³⁸Sawul a mucu, Baˀal-Hanaŋ, mangal ngi Akbor, a zum buy ar li naŋ.

³⁹Baˀal-Hanaŋ, mangal ngi Akbor a mucu, Hadar a zum buy ar li naŋ. A zilaka walahay naŋ Pawu. Ngwas naŋ a zilaka Mehetabel, zuŋ ngi Matred, dideˀ ngi Mezahap.

⁴⁰Buyoy muboko tivi Esaw ti sukwi ti sukwi, ti ruwuy taŋhaya, slimiɗ taŋhay ani: buy Timna, Alva, Yetet,

⁴¹Oholibama, Ela, Pinoŋ,

⁴²Kenas, Temaŋ, Mibisar,

⁴³Magdiyel, Iram. Tayna i buy ngi Edomoy, ti li cifi taŋ ti li cifi taŋ angi hirwuy taŋ miwakaŋ. Esaw i dideˀ ngi Edomoy vuna.