Read South Giziga GEN 5 Bible Online

GEN 5 - South Giziga bible

GEN 5

¹Slimiɗ ngi tizh ngi Adamuhoy anihĩ: Tapas Buymisemuŋ miga mbur titra, a ga a bam vu ati naŋ.

²A ga taŋ i mbur zil ati ngwas a ɗuwula taŋ mi, a ca taŋ slimiɗe, mizli titrahay, kalla tapas naŋ miga taŋ vuna si.

³Adamu migi vi skat ti kukur makir na, a yi mangal muvu vunah i naŋ, ɓaˀ i naŋ. A caŋ slimiɗe Sete.

⁴A dirba Adamu miya Sete na, a gi vi skat skat dangafaɗa. A yi ziri mizile ati mongoso mekelemey le ma.

⁵Adamu a muc, naɓa naŋ ti vi skat skat ngoltir ti kukur makir.

⁶Ti di Set migi vi skat ti zlum na, a yi Enos.

⁷A dirba Set miya Enos na, a gi vi skat skat dangafaɗ ti tarnaˀ. A yi ziri mizile ati mongoso mekelemey le ma.

⁸Set a muc, naɓa naŋ ti vi skat skat ngoltir ti kuruˀ nga cuw.

⁹Enos mindila vi kukur ngoltir na, a ya mangal naŋ Kenaŋ.

¹⁰A dirba naŋ miya Kenaŋ na, a gi vi skat skat dangafaɗ ti kuruˀ nga zlum, a yi ziri mizile ati mongoso mekelemey le ma.

¹¹Enos a muc, naɓa naŋ ti vi skat skat ngoltir ti zlum.

¹²Kenaŋ mindila vi kukur tarnaˀna, a yi Malaleyel.

¹³A dirba naŋ miya Malaleyele na, Kenaŋ a gi vi skat skat dangafaɗ ti kukur mufaɗ, a yi ziri mizile ati mongoso mekelemey le ma.

¹⁴Kenaŋ a muc, naɓa naŋ ti vi skat skat ngoltir ti vi kuruˀu.

¹⁵Malaleyel mindila vi kukur merkeɗ ti zlum na, a yi Yeret.

¹⁶A dirba naŋ miya Yeret na, Malaleyel a gi vi skat skat dangafaɗ ti kukur makir. A yi ziri mizile ati mongoso mekelemey le ma.

¹⁷Malaleyel a muc, naɓa naŋ ti vi skat skat dangafaɗ ti kukur ngoltir nga zlum.

¹⁸Yeret mindila vi skat ti kukur merkeɗ ti cuw na, a yi Henok.

¹⁹A dirba naŋ miya Henok na, Yeret a gi vi skat skat dangafaɗ, a yi ziri mizile ati mongoso mekelemey le ma.

²⁰Yeret a muc, naɓa naŋ ti vi skat skat ngoltir ti kukur merkeɗ nga cuw.

²¹Henok mindila vi kukur merkeɗ nga zlum na, a yi Matusalem.

²²A dirba naŋ miya Matusalem na, Henok a cifi le ti jumoˀay wãˀ ati Buymisemuŋ, vi skat skat makir, yo a yi ziri mizile ati mongoso mekelemey le ma.

²³Henok a muc, naɓa naŋ ti vi skat skat makir ti kukur merkeɗ nga zlum.

²⁴Henok a cifi kuy kuy a mbuŋ Buymisemuŋ, a dirba nah, naŋ anta mata, asi Buymisemuŋ a zuɓa le.

²⁵Matusalem mindila vi skat ti kukur dangafaɗ nga tarnaˀ na, a yi Lamek.

²⁶A dirba naŋ miya Lamek na, Matusalem a gi vi skat skat tarnaˀ ti kukur dangafaɗ nga cuw. A yi ziri mizile ati mongoso mekelemey le ma.

²⁷Matusalem a muc, naɓa naŋ ti vi skat skat ngoltir ti kukur merkeɗ nga ngoltir.

²⁸Lamek mindila vi skat ti kukur dangafaɗ nga cuw na, a yi mangal mizile.

²⁹A caŋ slimiɗe Nowe, asi a ɓi na: «Slra ndrahay ati gir mitakˀay le ngisi haŋ ndra, muso tivi hirwuy Bumbulvuŋ minisa na, i mbur hana masa tisla ndra mevel ava.»

³⁰A dirba naŋ miya Nowe na, Lamek a gi vi skat skat zlum ti kukur ngoltir nga zlum. A yi ziri mizile ati mongoso mekelemey le ma.

³¹Lamek a muc, naɓa naŋ ti vi skat skat tarnaˀ ti kukur tarnaˀ nga tarnaˀ.

³²Nowe mindila vi skat skat zlum na, a yi ti Sem, Kam ati Zafet.