Read South Giziga 1KI 4 Bible Online

1KI 4 - South Giziga bible

1KI 4

¹Salomoŋ i buy madiɗa ngi Israyeley taˀ gar.

²Mizli madiɗa ngi slra naŋhaya, slimiɗ taŋhay ani: Azariya, mangal ngi Sadok, i masay.

³Elihoref ati Ahiya, ziri ngi Sisahay, i mutoho gwatay. Yosafat, mangal ngi Ahilut, i mislin ngi buy.

⁴Benaya, mangal ngi Yoyada, i madiɗa ngi sojehey, Sadok ati Abiyatar, i masayay.

⁵Azariya, mangal ngi Nataŋ, i madiɗa ngi buy miwi lihey, Zabut, mangal ngi Nataŋ, i masay, yo i mukuti vu hĩˀĩ ngi buy ma,

⁶Ahisar, i madiɗa ngi hay buy, Adoniram, mangal ngi Abda, i madiɗa ngi slra mitakˀay.

⁷Salomoŋ, naŋ ti buy miwi lihey kuruˀ nga cuw, asi ruwuy Israyel gar. Kiya pal ar vi gar na, mburo, a zum ti buy ati mizli ngi hay buyoyo a mbiɗam di vu ar wala taŋ kanah kanah.

⁸Buy miwi li tayna, slimiɗ taŋhay ani: Mangal ngi Hur, i buy miwi li ngi ruwuy vay muwã ngi Efrayim,

⁹mangal ngi Deker, buy miwi li ngi ruwuy vay Makas, ngi Salbim ati ngi Bet-Semes waɗ ngi Eloŋ-Bet-Hanaŋ,

¹⁰mangal ngi Heset, a Ahurot, i buy miwi li ngi ruwuy vay Soko waɗ hirwuy Hefer gar.

¹¹mangal ngi Abinadap, i buy miwi li ngi ruwuy vay li miɗingir ngi Dor gar. Naŋ a zuɓ ngi ngwasa, i Tafat, zuŋ ngi Salomoŋ.

¹²Baˀana, mangal ngi Ahilut, i buy miwi li ngi Taˀanak ati ngi Megido, waɗ ngi ruwuy vay Bet- Seyaŋ. Hirwuy vay Bet-Seyaŋ a ndil le ngbasl a Sartaŋ ti virzi ngi Zisreyel. A zli zle a Bet-Seyaŋ hã a Abel-Mehola, waɗ tuwaɗ Yokmeˀam.

¹³Mangal ngi Geber a Ramot, hirwuy Galaˀat, i buy miwi li ngi ruwuy vay ngi mbur mazilaka Yayir, mangal ngi Manase, angi hirwuy Galaˀat, yo i buy miwi li ngi hirwuy vay Argop, a muwã Basaŋ. Hirwuy vay nah gar na, walahay madiɗa madiɗahay angi taŋ kukur merkeɗ, mugunohoy le ti mohol, mizlingre taŋhaya migicahay kiɗasl kiɗasl ti faɓuru ngi ɓiri gaza.

¹⁴Ahinadap, mangal ngi Ido, i buy miwi li ngi hirwuy vay Mahanayim.

¹⁵Ahimaˀas, i buy miwi li ngi ruwuy vay Neftali. Naŋ kwana, a zuɓ ngi ngwasa, i zuŋ ngi Salomoŋ, a zilaka Basmat.

¹⁶Baˀana, mangal ngi Husay, i buy miwi li ngi hirwuy vay Aser ati Beyalot.

¹⁷Yosafat, mangal ngi Paruwa, i buy miwi li ngi ruwuy vay Isakar.

¹⁸Simey, mangal ngi Ela, i buy miwi li ngi hirwuy vay Benjameŋ.

¹⁹Geber, mangal ngi Uri, i buy miwi li ngi hirwuy Galaˀat ati ngi ruwuy ngi Sihoŋ, buy ngi Amorihey, waɗ ngi hirwuy ngi Ok, buy ngi Basaŋ. Bac nga hirnga buy miwi li mukuruˀ nga cuw tayna ma na, buy miwi li mekelem ada angi hirwuy Zuda.

²⁰Mizli ngi Zudahay ati ngi Israyeleye, taŋ haɗi teˀe. Taŋ haɗa, a slufam ta wãˀ kaɓa muyuŋ a mi mubuliy. Tˀada ti gwat ngi zum ati gwat ngi si, hã mbaka, yo taŋ ar cira hiri ma.