Read South Giziga 1CH 27 Bible Online

1CH 27 - South Giziga bible

1CH 27

¹Slimiɗ ngi Israyeley, gawla ngi buy madiɗahay ani: I madiɗa ngi wuzla muyoy, madiɗa miwi mizli durmuk durmuk ati skat skatay, waɗ mutoho gwatay, slra taŋ i ngica sojehey, asi a vam tiŋ ar li mbiɗa vu ngi kiya pal pal. Sojehey ngac purla na, i mizli durmuk kukur cuw ti mufaɗ.

²Mingac mudumbuŋ, ar kiya mudumbuŋ naŋ, i Yasobam mangal ngi Zaɓdiyel, a wi soje durmuk kukur cuw nga mufaɗ.

³Yasobam i dideˀ ngi Peres, miwa madiɗa ngi sojehey gar ar kiya mudumbŋ i naŋ.

⁴Mingac mucuw naŋ, ar kiya mucuw naŋ i Doday ngi ruwuy Ahoˀa, taŋ cuwa ati Miklot miwi sojehey. A wam soje durmuk kukur cuw nga mufaɗ.

⁵Mingac mimakir naŋ, ar kiya mimakir naŋ: I Benaya, mangalngi masay Yoyada, madiɗa. A wi soje durmuk kukur cuw nga mufaɗ.

⁶Benaya i mbur gambara a wuzla mizli mizli ngir makire, yo i buy taŋ ma, miwa soje durmuk kukur cuw nga mufaɗa i mangal naŋ Amizabat.

⁷Mingac mumufaɗ naŋ, ar kiya mumufaɗ naŋ, i Asayel sukum ngi Zoˀap, a dirba naŋ, i mangal naŋ Zebadiya. A wi soje durmuk kukur cuw nga mufaɗ.

⁸Mingac muzlum naŋ, ar kiya muzlum naŋ, i Samut muy Izra. A wi soje durmuk kukur cuw nga mufaɗ.

⁹Mingac mimerkeɗ naŋ, ar kiya mimerkeɗ naŋ, i Ira mangal ngi Ikok, mbur Tekoˀa. A wi soje durmuk kukur cuw nga mufaɗ.

¹⁰Mingac mitarna naŋ, ar kiya mitarnaˀ naŋ, i Heles mbur Paloŋ, ngir sukwi Efrayim. A wi soje durmuk kukur cuw nga mufaɗ.

¹¹Mingac midanfaɗ naŋ, ar kiya midangafaɗ naŋ, i Sibekay, mbur Husa, ngir sukwi Zera. A wi soje durmuk kukur cuw nga mufaɗ.

¹²Mingac mungoltir naŋ, ar kiya mungoltir naŋ, i Abiyezer mbur Anatot, ngir sukwi ngi Benjameŋ. A wi soje durmuk kukur cuw nga mufaɗ.

¹³Mingac mukuruˀ naŋ, ar kiya mukuruˀ naŋ, i Maray, mbur Netofa, ngir sukwi Zera. A wi soje durmuk kukur cuw nga mufaɗ.

¹⁴Mingac mukuruˀ ngaŋ kaˀ naŋ, ar kiya mukuruˀ ngaŋ kaˀ naŋ, i Benaya, mbur Piratoŋ, ngir sukwi Efrayim. A wi soje durmuk kukur cuw nga mufaɗ.

¹⁵Mingac mukuruˀ nga cuw naŋ, ar kiya mukuruˀ nga cuw naŋ, i Helday mbur Netofa, ngir sukwi Otniyel. A wi soje durmuk kukur cuw nga mufaɗ.

¹⁶Ar sukwi Israyele, buyoy mijaka ruwuyo t'ani: Angi sukwi Ruben: I Eliyezer, mangal ngi Zikri. Angi sukwi ngi Simeyoŋ: I Sefatiya, mangal ngi Maˀaka.

¹⁷Angi sukwi ngi Levi: I Hasabiya mangal ngi Kemuyel, angi sukwi ngi Aroŋ i Sadok.

¹⁸Angi sukwi ngi Zuda: I mbur pal a wuzla sukum ngi Davitey, i Elihu. Angi sukwi ngi Isakar: I Omri mangal ngi Mikayel.

¹⁹Angi sukwi ngi Zabuloŋ: I Isemaya mangal ngi Obadiya. Angi sukwi ngi Neftali: I Yerimot mangal ngi Aziriyel.

²⁰Angi sukwi ngi Efrayim: I Oze mangal ngi Azaziya. Angi reta ngi sukwi ngi Manase, misi tisi pas ngi pastaˀa: I Zowel mangal ngi Pedaya.

²¹Angi reta ngi sukwi ngi Manase, mipam a Galaˀata: I Ido mangal ngi Zakari. Angi sukwi ngi Benjameŋ: I Yasiyel mangal ngi Abner.

²²Angi sukwi ngi Daŋ: I Azarel mangal ngi Yeroˀam. Buyoy ar sukwi Israyel i taŋ so.

²³Mizli misi vi kukur cuwoy ati mindilaka ta gar na, Davit a toho slimiɗ taŋ ta. Asi Bumbulvuŋ a ɓi zleˀe na, a sa ska Israyeley haɗi, kaɓa wurzlaŋhay a muŋ.

²⁴Zoˀap mangal ngi Seruya, a zla sluf taŋ le zleˀe, amma a kiɗa mi naŋ ta, Buymisemuŋ a ji mevel ar Israyele vurˀe. Israyeley jom gara, taŋ kini na, a bawa ar ɗerewol ngi Davite ta ma.

²⁵Azimavet mangal ngi Adiyel, i buyɓi miji kaw ngi buy. Yonataŋ mangal ngi Oziyas, i buyɓi ngi gwatay, buy miwi taŋ vu ar prokoy, ar walahay madiɗahay, ar walahay memeɗehey waɗ ar li misi mizli mijigina lihey ara.

²⁶Eziri mangal ngi Kelup, i buyɓi ngi mizli muhuvoy misi a ɓuh.

²⁷Simey mbur Rama, i buyɓi ngi guva ngi gudubunoy. Zaɓdi mbur Sefama, i buyɓi ngi mizli miwi vu ti mbaazla ngi gudubun vuna.

²⁸Baˀal-Hanaŋ, mbur Bet-Geder, i buyɓi ngi guva ngi tutumbur ati bazlawar misi tir musukunuh ngi ruwuy, Yoˀasa kwana, i buyɓi ngi malay muwam taŋ vu le.

²⁹Sitray mbur Saroŋ, i buyɓi ngi gezleŋ ngi slahay misi ar li zum taŋ a Saroŋ. Safat mangal ngi Adiley, i buyɓi ngi slahay mazumam ar sozohoy.

³⁰Obil mbur Ismayele, i buyɓi ngi zlogomohoy. Yediya mbur Meronot i buyɓi ngi madiya zunguhoy.

³¹Yazis mbur Hagri, i buyɓi ngi tumuŋhoy ati ˀaway. Tayna gar, i miji kaw ngi buy Davitey.

³²Yonataŋ jamba ngi Davite, i mbur misi lesle, yo a dubun le kuy kuy. I mbur mangila wuy da buy. Yehiyel mangal ngi mbur Hakmoni, i mudubuna gwat da ziri ngi buyoy.

³³Ahitofel i mingila wuy da buyo ma. Husay mbur Arkit, i ngama ngi buy.

³⁴Yoyada mangal ngi Benaya waɗ Abiyatar, a cam ar li ngi Ahitofel. Madiɗa ngi soje ngi buyoy kwana, i Zoˀap.