Read South Giziga 1CH 5 Bible Online

1CH 5 - South Giziga bible

1CH 5

¹Ruben i modogom ngi Zakop zleˀe, amma a dirba naŋ mihin ti ngwas ngi cine na, gi modogom naŋ a tuwuɗ ng'avi ziri mizile ngi Zozefey, Zozef i mangal ngi Zakop vuna ya. Ruben a tiri i modogom mata.

²Naŋ kine, Zuda a tiri madiɗa angi sukum naŋhaya, Yarma a bo ti vaŋ, amma gi modogomo i ngi Zozef.

³Ruben, modogom ngi Zakopo, ziri naŋhaya i ti: Hanok, Pallu, Hesroŋ, waɗ Karmi.

⁴Ziri mizile, mikwanay ngi Zoweley i ti: Zowel a yi Semaya, Semaya a yi Gok, Gok a yi Simey,

⁵Simey a yi Mika, Mika a yi Reyaya, Reyaya a yi Baˀal,

⁶yo Baˀala kwana a yi Beˀera micifi buy ngi mizli Rubeney. Buy ngi ruwuy Asiri, mazilaka Teglat-Falazar a ja nga ruwuy naŋ.

⁷Beˀera, sukum naŋ ngi jambahaya, vur tizere vur tizere, slimiɗ taŋhay i mutoho le toh toh ar ɗerewol ngi toho slimiɗe: mudumbuŋ i Yehiyel, a dirba nah i Zakari,

⁸ngi dirba wãˀ i Bela mangal ngi Azas, i dideˀ meciɗek ngi Sema, yo i dideˀ ngi popurok ngi Zowel. Mizli Rubeneye, taŋ zleˀe a ruwuy misi ar wala ngi Aroˀer tir vay ruwuy, muwã Nebo ati walahay Baˀal-Mehoŋ tir vay muŋ.

⁹Tisi pas ngi miprike, a pam ndah ndah, hã sesẽŋ a miher ngi wuzlaɓuh mikirɗak kirɗak, mawuɗoka walahay taŋ ati mizaw Babiloŋ mazilaka Efrat, asi tir vay Galaˀat nah na, taŋ ti gezleŋ ngi ginewey haɗi.

¹⁰Ar vi ngi Sawul na, a gam vurum ati mizli Hagrihey, a lumam bugawla a hirnga taŋ, a pam ar li misi tisi pas ngi miprik ngi Galaˀata cek cek.

¹¹Dideˀ ngi Gataya kwana, a pam tir vay muŋ ngi mizli Rubeney, ar ɗigar micay ngi Basaŋ, hã sesẽŋ a Salka tisi pas ngi mipriki.

¹²Mizli misi a diga, mihaɗa i sukwi ngi Zowel, mijingaˀ taŋ i sukwi ngi Safaŋ waɗ sukwi ngi Yanay ati Safat

¹³A dirba taŋ ma na, sukwi mekelemey ada tarnaˀa ma: i sukwi ngi Mikayel, Mesulam, Seba, Yoray, Yakaŋ, Ziya waɗ sukwi ngi Eber.

¹⁴Muɗuvaka sukwi tayna, i ziri ngi Abihayiley, Abihayil i mangal ngi Huri, Huri i mangal ngi Yarowa, Yarowa i mangal ngi Galaˀat, Galaˀat i mangal ngi Mikayel, Mikayel i mangal ngi Yesisay, Yesisay i mangal ngi Yado, Yado kwana i mangal ngi Bus.

¹⁵Buy ngi hay taŋ, i Ahi mangal ngi Abdiyel, dideˀ meciɗek ngi Guni.

¹⁶dideˀ ngi Gataya, a pam zleˀe a ruwuy Galaˀat ati Basaŋ waɗ prok taŋhay, Saroŋ li zum ti ginewey, hã avu kiɗa mi ngi maakway taŋhaya rek rek.

¹⁷Hirak ti Yotam mazum buy a ruwuy Zuda, yo Zeroboˀam mazum buy a ruwuy Israyel na, a tohoko slimiɗ ngi sukwi tayna le cek ar ɗerewol ngi toho slimiɗe.

¹⁸Dideˀ ngi Rubeney, ngi Gatay waɗ reta ngi dideˀ ngi Manaseheye, taŋ a wuzla mizli miwirwirey, mikaw kaw ti mbaray waɗ maslalamay, gaway, yo a dubunaka gi vurumo le, taŋ mizli durmuk kukur mufaɗ nga mufaɗ, ti skat skat tarnaˀ ti kukur merkeɗe, mindilaka le ngi ru ng'ar vurumo.

¹⁹A gam vurum ati Hagrihey, ati dideˀ ngi Yaturoy, Nafikey waɗ Nodapay.

²⁰Angi vurum nah, a cufuɗam jini avu Buymisemuŋ, asi a pulakaŋ mevel taŋ le. Dar Buymisemuŋ a cine dir dibiɗ taŋ, a vula taŋ Hagrihey ati mizli ngi si taŋhay gar asi haŋ taŋ.

²¹A tuɓoko ginew taŋhaya: zlogomohoy durmuk kukur zlum, tumuŋ ati ˀawaya durmuk skat skat cuw ti kukur zlum, zunguhoy durmuk cuw, waɗ bekehey durmuk skata.

²²A kiɗaka mizli sunok sunok, a gi kanah, asi miga vurum i Buymisemuŋ. Dar taŋ a pam ar li ngi Hagriheye, a ndiram a diga, hã ar hin ngi ɓul taŋ ngaˀr beke.

²³Reta ngi sukwi ngi Manase, a soko, a pam a ruwuy mazli zle a Basaŋ hã sesẽŋ a Baˀal-Hermoŋ, a Senir a muwã Hermoŋ. Sukwi ngi Manase naŋ haɗi.

²⁴Buy ngi hay taŋhay gar, slimiɗ t'ani: Efer, Isey, Aliyel, Aziriyel, Irmeya, Hodaviya waɗ Yadiyel. Taŋ cek i mizli miwirwirey, slimiɗ taŋ ara zil.

²⁵A gam teŋteŋ avu Buymisemuŋ ngi dideˀ taŋhaya ta, a pulakaŋ mbak, a huruk hurukam a mbuŋ kuli ngi mizli Buymisemuŋ mingizla taŋ pay a mbuŋ taŋ tuwa.

²⁶Dar Buymisemuŋ ngi Israyele, a slikiɗa mevel da buy Asirihey, Pul ati Tegal-Falazar, ɓa a cam, a jaka mizli Rubeney, Gatay waɗ reta ngi sukwi ngi Manase tuwa, nga hirwuy Hala, Habor, Hara waɗ nga ciki mizaw Gozaŋ, t'ada a diga hã dana aruŋ.

²⁷Ziri mizile ngi Levihey i ti: Gersoŋ, Kehat waɗ Merari.

²⁸Ziri mizile ngi Kehatay i ti: Amram, Isar, Hebroŋ waɗ Uziyel.

²⁹Amram a yi ziri mizilehey cuw, Aroŋ ati Moyis, waɗ zuŋ mongoso purla, a zilaka Miriyam. Ziri mizile ngi Aroŋhoy i ti: Nadap, Abihu, Elazar waɗ Itamar.

³⁰Elazar a yi Pinas, Pinasa kwana, a yi Abisuwa,

³¹Abisuwa a yi Buki, Buki kwana, a yi Uzi,

³²Uzi a yi Zeraya, Zeraya kwana, a yi Merayot,

³³Merayoto, a yi Amariya, Amariya kwana, a yi Ahitup,

³⁴Ahitup a yi Sadok, Sadoko kwana, a yi Ahimaˀas,

³⁵Ahimaˀasa, a yi Azariya, Azariya kwana, a yi Yohanaŋ,

³⁶Yohanaŋ a yi Azariya. Azariya i mbur micifi ngi gi mikuli ar hay ngi Buymisemuŋ, Salomoŋ mindira a Zeruzalem na.

³⁷Azariya a yi Amariya, Amariya kwana, a yi Ahitup.

³⁸Ahitup a yi Sadok, Sadoko kwana, a yi Salum,

³⁹Salumo, a yi Hilkiya, Hilkiya kwana, a yi Azariya,

⁴⁰Azariya a yi Seraya, yo Seraya kwana, a yi Yosadak.

⁴¹Ti Bumbulvuŋ mupula jiviɗ da Nabukodonozor, ɓa a ja Zeruzalemey ati Zudahay nga ruwuy naŋ na, a jaka Yosadaka le a haŋ ya.