Read South Giziga 1CH 9 Bible Online

1CH 9 - South Giziga bible

1CH 9

¹A slufaka Israyeleye le gar, vur hay vur hay, a tohoko taŋ ar ɗerewol ngi toho slimiɗ ngi buy ngi Israyeley. A jaka mizli Zudahay nga Babiloŋ, asi taŋ miteŋteŋ avu Buymisemuŋ ta.

²Mizli mumoko dumbuŋ dumbuŋ nga pi a ruwuy taŋ muŋ, ɓa a tiɓaka gwat taŋhay a muŋ, ati walahay taŋhay a muŋ na, i mizli ngi mbuŋ Israyele mizlewey waɗ, masayay, mizli levihey waɗ migi slra ngir hay ngi Buymisemuŋhoy a Zeruzalem.

³Mizli Zudahay cah, Benjameŋhey cah, Efrayimey cah waɗ mizli Manasehey cah, a pam a Zeruzalem.

⁴Ar sukwi ngi Zuda, i Utay mangal ngi Amihuɗ, Amihuɗ i mangal ngi Umri, i dideˀ ngi Imri, yo i dideˀ ngi poporok ngi Bani, mbur ngir sukwi Peres.

⁵A wuzla ziri ngi Selahay a yi Asaya, modogom ngi haya, i Asaya ati ziri naŋhay.

⁶A wuzla ziri ngi Zerahay a, i Yewuyel ati sukum naŋhay, taŋ jom gar mizli skat skat merkeɗ ti kukur ngoltir.

⁷A wuzla ziri ngi Benjameŋheye, i Salu mangal ngi Mesulam, dideˀ meciɗek ngi Hadaviya, yo i dideˀ ngi poporok ngi Hasenuwa.

⁸Ibineya mangal ngi Yeroham, Ela mangal ngi Uzi, yo i dideˀ meciɗek ngi Mikri, Mesulam mangal ngi Sefatiya, dideˀ meciɗek ngi Rewuyel, yo i dideˀ ngi poporok ngi Ibiniya.

⁹Mizli tayna gar, i buyoy ngi hayay a wuzla muy angi tizer taŋhaya. Mizli Benjameŋhey mipam a Zeruzaleme, taŋ jom gar mizli skat skat ngoltir ti kukur zlum nga merkeɗ.

¹⁰A wuzla masayaya, i Yedaya, Yoyariɓ, Yakiŋ,

¹¹waɗ Azariya. Dideˀ mijeŋŋe ngi Azariyahay i ti: Hilkiya, Mesulam, Sadok, Merayot waɗ Ahitup, buyɓi ngi hay Buymisemuŋ a Zeruzalem.

¹²Mekelemeye i Adaya, dideˀ naŋhay i ti: Yeroˀam, Pasehur ati Malkiya, yo waɗ Masay mangal ngi Adiyel, Adiyel mangal ngi Yazera, Yazera mangal ngi Mesulam, Mesulam mangal ngi Mesilemit, Miseleme i mangal ngi Imer.

¹³Taŋ jom ati sukum taŋ masayaya, mizli mekelemey magam mikuli, mizli miwirwirey gambarahay magam slra ar hay Buymisemuŋ a Zeruzalem, buyoy ngi hayay a wuzla muy taŋhaya tayna, a gam jom gar, mizli durmuk ti skat skat tarnaˀ ti kukur merkeɗ.

¹⁴A wuzla Levihey i Semaya, dideˀ naŋ mijeŋŋehey i ti: Hasup, Azirikam waɗ Hasabiya. A wuzla muy ngi Merarihey,

¹⁵i Bakbakar, Herek, Galal waɗ Mataniya, dideˀ naŋhay i ti: Mika, Zikri waɗ Asaf.

¹⁶Yo Obadiya ada ma, dideˀ naŋhay i ti: Semaya, Galal waɗ Yedutumŋ. Ngi kiɗa mi naŋ i Berekiya mangal ngi Asa, i dideˀ meciɗek ngi Elkana misi micifi ar prok ngi ruwuy Netofa.

¹⁷A wuzla mijigina mizlingreheye, buyɓi i Salum ati sukum naŋ mizilehey i ti Akup, Talmoŋ waɗ Ahimaŋ.

¹⁸Hã dana kwana, mijigina mizlingreŋ ngi buy, mizlingreŋ misi tisi pas ngi miprike, i dideˀ taŋhay aruŋ. Mijiginaka mizlingre ngi walahay guɗuk ngi Levihey, i dideˀ taŋhay zleˀe.

¹⁹Salum i mangal ngi Kore, i dideˀ ngi Abiyasaf, yo dideˀ ngi poporok ngi Kore. Sukum ngi Kore ngi wazlarayaya, slra taŋ i jigina mizlingreŋ ngi guɗuk ngi zlir ati Buymisemuŋ. Dideˀ taŋhaya, ar walahay guɗuk ngi mizli ngi Bumbulvuŋhoyo slra taŋ zleˀe i nah.

²⁰Pinas mangal ngi Elazara, zlezle zleˀe na, buy taŋ i naŋ, asi Bumbulvuŋ naŋ da ati naŋ.

²¹Zakari mangal ngi Meselemiya, i ngi wuzla mijigina mizlingreŋ ngi guɗuk ngi zlir ati Buymisemuŋ zleˀe ya.

²²Mizli muwunaˀ ngi jigina mizlingre, a gam jom gar mizli skat skat cuw ti kuru nga cuw. A tohoko slimiɗ taŋhay a ruwuy miyaka taŋ ara ara. Micifaka taŋ ar slra taŋ ngi set nah, i Davit ati mijiviɗ Samuyel.

²³Slra ngi jigina mizlingre ati hay ngi Bumbulvuŋ na, a pulaka asi haŋ taŋ ati dideˀ taŋhay nga mbuŋ nga mbuŋ.

²⁴Mijigina mizlingrehey, taŋ sek sek a mizlingrehey mufaɗ taŋ, tisi pas ngi mipriki, tisi pas ngi pastaˀa, tir vay muŋ waɗ tir vay ruwuyo.

²⁵Mijigina mizlingreheye, mekelemey mahinam a ruwuy taŋ na, a soko bulawwa bulaw, ngi sa jum ng'avu sukum taŋhaya ngi jigina mizlingre, ngi hin tarnaˀ tarnaˀ.

²⁶Buy ngi jigina mizlingreheye taŋ mufaɗa, taŋ a ndiram ngi wãˀ akẽh. I mizli levihey, i buyɓi ngi mijigina hayay waɗ zlili ngir hay Buymisemuŋ a Zeruzalem.

²⁷A hinam a ciki hay ngi Buymisemuŋ a Zeruzalem, asi sey i taŋ majiginakaŋ, yo ma wunaka miviŋheye vur miprik gar.

²⁸Mijigina mizlingreheye, mekelemeye, slra taŋ i jigina gwat ngi mezegweley, da ara bam taŋ malla ara moko taŋ na, a slufa taŋ slaf slaf le.

²⁹Mekelemeye, slra taŋ i jigina is ngi gwat ngi slrahay gazlangahay, gwat ngi Buymisemuŋhoy, hapa, mbaazla, mal, urdi ngi zlum ti zlum waɗ urdi.

³⁰Amma malihiɗaka urdi i ziri ngi masayay ɓula.

³¹Matitiya, mangal modogom ngi Salum, mbur levi, muy ngi Kore, i buyɓi ngi di helelem mikefer kefer ngi vul da Buymisemuŋ ngi mikuli.

³²Levi mekelemey cah, muy ngi Kehataya, slra taŋ i di makala ngi vul da Buymisemuŋ pas sabat gar.

³³Buy ngi hayay, muy ngi Leviheye, buyɓi ngi dimisey, a hinam ar hay taŋ mijeŋŋehey, ko slra mekelem taŋ magam anta. Asi a gaka slra taŋ ti papas ti duvuɗ gar.

³⁴Buy ngi hayay, muy ngi Leviheye, angi tizer taŋ avu dideˀ vur mijingaˀ vur mijingaˀ, a pam micifam a Zeruzaleme, slimiɗ taŋhay ani:

³⁵Yehiyel, mbur mipa hirwuy Gabaˀoŋ, naŋ zleˀe ar walahay nah ati ngwas naŋ Maˀaka.

³⁶Abudoŋ mangal naŋ modogom ati ziri naŋ mekelemey, Sur, Kis, Baˀal, Ner, Nadap,

³⁷Gedor, Ahiyo Zakari waɗ Miklot.

³⁸Miklot i cine ngi Simam. Taŋ kwana a cifam bummoˀati muy taŋhay a Zeruzalem kaɓa sukum taŋhay na ya, a cifam bumaˀ ati muy taŋhaya.

³⁹Ner i cine ngi Kis, Kis a yi Sawul, Sawulo, a yi Zonataŋ, Malkisuwa, Abinadap waɗ Esebaˀal.

⁴⁰Mangal ngi Zonataŋ i Merbaˀal, Meribaˀal a yi Mika.

⁴¹Ziri ngi Mikahay i ti: Pitoŋ, Melek waɗ Tareya.

⁴²Ahas i cine ngi Yara, Yara kwana a yi Alemet, Azimavet waɗ Zimri, Zimri a yi Mosa.

⁴³Mosa a yi Bineya, Bineya a yi Refaya, Refaya a yi Elasa, Elasa a yi kwana a yi Asel.

⁴⁴Asel a yi ziri mizilehey merkeɗ, slimiɗ taŋhay ani: Azirikam, Bokru, Ismayel, Seyariya, Obadiya waɗ Hanaŋ.