Read South Giziga Jud 3 Bible Online

Jud 3 - South Giziga bible

Jud 3

¹Mizli ngi ciki mizaway tuwa, a slinam mizli ngavi Holoferne ti ɓi ngi cifi zuy zuy, a ɓakaŋ na:

²«Ndra gawla ngi Nabukodonozor, buy madiɗa, ndr’ani a mbuŋ ɗike, gi ti ndra kaɓa ka mawuɗu.

³Gezleŋ ndrahay, ruwuy ndra, guva ngi alkamari ndrahay, gezleŋ ngi tumuŋhoy, ngi ˀaway ati slahay waɗ walahay guɗuk ndrahaya, t’ani a mbuŋ ɗike, gi ti taŋ kaɓa ka mawuɗu.

⁴Pura wurenna, walahay ndrahay ati mizli ngi rahaya, i beke ɗikey, sawa, gi ti taŋ kaɓa mawuɗu.

⁵Mizli tuwa, a ndilam a ciki Holoferne, a ɓakaŋ kanah.

⁶Holoferne tuwa, a pi sar nga ˀay didik ngi Mediterane ati soje naŋhaya, a pi mijigina lihey ar walahay muguno ti moholoyo, a hil mizli musolokoy ngi nguɓa soje naŋhaya.

⁷A tuɓakaŋ mulak akẽh, mizli mugun gun hirnga taŋ gar, a soko ti lopon tuwaɗ tuwaɗ a hirnga, joˀ a ɓurgam ti badak memeɗehey.

⁸Holoferne a waha ruwuy taŋhaya gar, a nguma kuli dum taŋhaya, a ngizla kuli ngisi ruwuyo keɗeɗe, asi gwat naŋ mawuɗo i nah, ɓa mizli gar a dilikam a mbuŋ Nabukodonozor pal naŋ, ɓa mizli maɓam mi wal wal gar ati sukwi ngi mizli gar na, a zilaka slimiɗ naŋ kaɓa i Bumbulvuŋ.

⁹A dirba nah, Holoferne a ndil ar li mupuɗak ar Zizreyel, gweˀ avi Dotaŋ, misi tumbuŋ muwã madiɗa mitilɓiŋ tilɓiŋ ngi Yude na.

¹⁰A pam ti walahay guɗuk taŋhaya ar walahay ngi Geba ati Sitopoli, a zik adiga kiya pal, a cikila hirnga ngi gazlanga ngi soje naŋhaya gar.