Read South Giziga PSA 1 Bible Online

PSA 1 - South Giziga bible

PSA 1

¹Mamumulo, i mbur masipa ɓi ngi mizli misi moˀorehey ta, macici zar avu jiviɗ ngi mizli migi malambaˀhay, yo mizli masingiram angi Buymisemuŋ na, a cifi a wuzla taŋ ta.

²Amma maciraŋ hiri da naŋ i ɓimujuwa ngi Bumbulvuŋ, yo duvuɗ ti papas gar na, a ndir ti ɓimujuwa ngi Bumbulvuŋ ngek avu mi.

³Mbur nah na, naŋ kaɓa widis mikaˀ a mi mizaw: angi hin ngi yi naŋ gar na, ara yi, yo kalaf naŋ anta ɓut ta. Gwat naŋ maga gar na, a gi kasl kasl.

⁴Amma misi moˀoreheye, taŋ kanah ta: taŋ kaɓa cici, himiɗ mazliɗa hirnga naŋ.

⁵Tapas gi kiita na, migi moˀoreheye, t'anta sa cicam gu ta. Ar kus ngi mizli mijeŋŋeheye, ko migi mungraˀahaya, anta sa cicam gu ta ya.

⁶Asi Bumbulvuŋ a si na gi gwat ngi mizli mijeŋŋeheye le. Amma gi gwat ngi misi moˀoreheye, a zizi vu.