Read South Giziga PSA 101 Bible Online

PSA 101 - South Giziga bible

PSA 101

¹Dimis ngi wuzla dimis ngi Davitey. Gi gi teŋteŋ ati gi kaslsla na, i wuɗ i zli taŋ dimis, ɓa i hunumuw ti naŋ, Bumbulvuŋ.

²I wuɗ i sipa gi gwat misi ti jiviɗ naŋ ɗalla. Ki sa so ng'avi ya ti vunaka? I sa gi gwat mikaslsla ti mevel purla, avu mizli ngi hay ɗuwoyo.

³Gi gwat maso ti hiryi gar na, y'anta sa hiyĩ ko pal ta. Ɓi ngi mizli mapulaka tiɓi a mevel na, anta sa ciy ya ko neˀ ta.

⁴Gwat misi i nah ta na, i cici kileŋ ava, gi malambaˀa, y'anta i wuɗ cine ɓi nah ta.

⁵Mbur mahul virzi da mizli na, i sa gicoŋ mi. Mbur mapura mizli mekelemey hiris le, yo mahuhum vu zlokoko gar na, yi ɓusa ɓi nah ta.

⁶Mizli mezlehey minjah wãˀ ngi si ruwuyo, yi sa wini di i taŋ, ɓa a cifam a ciki ɗu. Mbur magi gwat ti jiviɗ naŋ ɗalla na, naŋ a sa tiri mbur madiɗa angi slra ɗu.

⁷Mbur misina gi glaw haɗi da mizli na, naŋ anta sa cifi a hay ɗu ta. Mbur magi slir haɗa gar na, naŋ anta sa cici a mihiri ɗu ta.

⁸Vur miprik gar na, i sa guco mi da misi moˀorehey gar misi asi ruwuyo. Migi malambaˀhay gar na, i sa ɓula taŋ cek cek avra tir walahay nga ya Bumbulvuŋ.