Read South Giziga PSA 12 Bible Online

PSA 12 - South Giziga bible

PSA 12

¹Dimis ngi wuzla dimis ngi Davitey. I mulumo di ar ɗerewol ngi buy dimis. Dimis ngi gujuvur.

²Aw Bumbulvuŋ ɗu, kilo widi ɗu! Mizli miteŋteŋhey anta mata, gi gwat mijeŋŋe a susuyum le avu mizli,

³ara ɓam ɓi malambaˀ ar wala taŋ, mi ngi kwala taŋ naŋ deɗek, amma mevele cuw cuw.

⁴Anja Bumbulvuŋ a buko mi taŋ maɓam di mi mideɗek vuna cek avra, yo a buko irne mahuhum vu

⁵ngi mizli maɓam: «I tikakaˀay da mizli ti mi ngi irne ndra gu, i sinaka mi le ma na, mawa ndr'i waka na!»

⁶Bumbulvuŋ a ɓi: «Wurenna i slikiɗi, asi ara gaka bonoy da mizli mihina hirngahaya, yo misi murgahay ara niˀicam. Mbur matufakaŋ tazlay na, i ru di ng'ar li mezleŋ.»

⁷Mingiɓi ngi Bumbulvuŋ i ɓi mubuna le leɗeɗe, kaɓa ɓiri bara mipaka ti pi ar vu, yo mimaka hiri nah le sar tarnaˀ.

⁸Ka Bumbulvuŋ, k'anta ki mbiɗa mi ta, kisa jigina ndra ndrehhe avu sukwi ngi mizli tayna.

⁹Mizli miziriɗa mi ngi Bumbulvuŋhoyo, ara ram digi ɓaˀ li, yo a wuzla mizli, dum le i gi sulome.