Read South Giziga PSA 121 Bible Online

PSA 121 - South Giziga bible

PSA 121

¹Dimis ngi zuɓa mulak nga diradibiɗ a Zeruzalem. I ra ɗuva hiri taˀ ngir ti vu muwãhay: na, zliv mbur makulo widi ɗu ada kwa?

²Makulo widi ɗu i Bumbulvuŋ, miga muŋ ati hirwuy.

³Anja Buymisemuŋ a jiginuw ɓa li a slir ti ka ta, anja mijigin ɗike, a hinje ta.

⁴Ĩˀĩ, mijigina Israyele, hinje anta gaŋ ta, naŋ anta hinje hinjeˀ le ta.

⁵Bumbulvuŋ i mijigin ɗiki, Bumbulvuŋ i susuɗuk ɗiki. N'ada a ciki ɗike.

⁶Ti papasa, pas anta wuruw ta, ti duvuɗo kwana, kiya anta guw hiri dirzliw ta.

⁷Anja Bumbulvuŋ a jiginuw avu gwat malambaˀ gar, a jiginuw siifa ɗike.

⁸Bumbulvuŋ a jiginuw ar li ru ati mo ɗike ma gar, zle wurenna, hã ngi sete.