Read South Giziga PSA 129 Bible Online

PSA 129 - South Giziga bible

PSA 129

¹Dimis ngi zuɓa mulak nga diradibiɗ a Zeruzalem. A zlikiy le is mbeˀ mbeˀ ngi kiɗa vu, diga ya misi ti zuŋ, Israyeley, maka hiri nah ava:

²«A zlikiy le is mbeˀmbeˀ ngi kiɗ avu, diga ya misi ti zuŋ.» Amma ko a gam gwat neˀ le avu ya ta.

³Duba ɗu ɓultoŋ ɓultoŋ wãˀ, kaɓa magam totoŋ ar guva.

⁴Amma Bumbulvuŋ naŋ jeŋŋe, a mburca zeweɗ ngi mizli misi moˀoreheye le.

⁵Mizli mahirsaka Siyoŋ gar na, anja a pam mesem, a mam nga dirba cek!

⁶Anja a ndiram kaɓa giziŋ mupuso le ar mohol, ɓa a sa muɗaka tikeˀe na, a muˀul le huysuk.

⁷Anta gi dirɓas haŋ ngi mbur mumuɗ naŋ vuna ta, a ndila ɓa mihil naŋ, a hila jup a didak vuna ta ma.

⁸Yo mizli macohomo kwana, ɓa a ɓam: «Anja Bumbulvuŋ a ɗuwulukum mi» na, a ɓam ta. I ra ɗuwulukum mi ti slimiɗ ngi Bumbulvuŋ.