Read South Giziga PSA 13 Bible Online

PSA 13 - South Giziga bible

PSA 13

¹Dimis ngi wuzla dimis ngi Davitey. I mulumo di ar ɗerewol ngi buy dimis.

²Bumbulvuŋ, ki puyuk ti ya hirnga, ki puyuk ti ya hirnga, hã ti vunaka? Ki ɗumo mihiri ɗike avu ya, ki ɗumo mihiri ɗike avu ya, hã ti vunaka?

³I sa lik, i sa lik, yo i sa nduruɓ hiri vur hine, vur hine, hã ti vunaka? Mesene ɗu a sa finiy ti gidaŋ, a sa finiy ti gidaŋ, hã ti vunaka?

⁴Bumbulvuŋ, Buymisemuŋ ɗu, ɗuv hiri avu ya, ziliy mi! Giy li njahha ɓa i pur, da kanah ta na, naɓa i hinje hã ngi mucu.

⁵Mesene ɗu a sa ɓi: «I tikaŋ ˀay le,» yo mizli mazliram ti ya ta, a sa mumulom vur ya midiɗ na.

⁶Ya, i ra njih hiri asi teŋteŋ ɗiki: anja i mumul a mevel ɗu, asi ka malihiy na. Anja i hunuma Bumbulvuŋ ti dimis, vur mezle naŋ migiy di na.