Read South Giziga PSA 130 Bible Online

PSA 130 - South Giziga bible

PSA 130

¹Dimis ngi zuɓa mulak nga diradibiɗ a Zeruzalem. Bonoy a finiy gidaŋ le wãˀ Bumbulvuŋ ɗu, i ra ziluw, kilo widi ɗu.

²Bumbulvuŋ ɗu, cine ya maziluw, yo ya matumbuluw na, jiko slimiɗ ɓa ki cine takwa.

³Bumbulvuŋ, da ki ra ja mungra ndrahay a kwacay na, masa ndir ti siifa i waka?

⁴Amma, ɓi ngi pula mungra na, i gwat ɗiki, mizli magam luɓ luɓ avu ka na vurˀeŋ.

⁵I ra kutuk avu ka Bumbulvuŋ, i ra kutuk ti membezleŋ ngi vu ɗu wãˀ, i ɗuva wuluko le taˀ ar mingiɓi ɗike.

⁶Bumbulvuŋ ɗu, membezleŋ ngi vu ɗu wãˀ, a ro ti may ɗike, fineˀ mbur mijigina gwat mawuɗ ɓa li a wun kutum, haˀaw, fineˀ mijigina gwat mawuɗ ɓa li a wun.

⁷Sukwi Israyel, njih hiri njah asi Bumbulvuŋ, asi gi mezle i gwat naŋ, yo naŋ ti wer wal wal haɗa ngi mbuɗo hirnga ɗike.

⁸Mambuɗo hirnga ngi Israyel avu mungra naŋhay gar na, i naŋ.