Read South Giziga PSA 136 Bible Online

PSA 136 - South Giziga bible

PSA 136

¹Hunumaka Bumbulvuŋ, asi naŋ mezleŋ, yo gi teŋteŋ naŋ, anta kiɗ mi ta.

²Hunumaka Bumbulvuŋ mimadiɗa ar kulihey cek na, asi gi teŋteŋ naŋ, anta kiɗ mi ta.

³Hunumaka Bumbulvuŋ mimadiɗa ar kuliheye cek na, asi gi teŋteŋ naŋ anta kiɗ mi ta.

⁴Migi cekene mimadiɗahay pal i naŋ, asi gi teŋteŋ naŋ, anta kiɗ mi ta,

⁵misi lesl, miga muŋ i naŋ, asi gi teŋteŋ naŋ, anta kiɗ mi ta,

⁶muɗuva hirwuyo gidaŋ gidaŋ a hirnga yama, i naŋ, asi gi teŋteŋ naŋ, anta kiɗ mi ta.

⁷Gwat madiɗahay mawucuɗam a muŋ na, i naŋ miga taŋ, asi gi teŋteŋ naŋ, anta kiɗ mi ta,

⁸miga pas, mawa papas na, i naŋ asi gi teŋteŋ naŋ, anta kiɗ mi ta,

⁹miga kiya ati wurzlaŋhay, mawaka duvuɗ na, i naŋ, asi gi teŋteŋ naŋ, anta kiɗ mi ta.

¹⁰Mingizla modogom ngi Eziptehey na, i naŋ, asi gi teŋteŋ naŋ, anta kiɗ mi ta.

¹¹Mubo ti sukwi naŋ Israyel ti Ezipte na, i naŋ, asi gi teŋteŋ naŋ, anta kiɗ mi ta,

¹²a gakahana ti gidaŋ naŋ mihaɗa na, asi gi teŋteŋ naŋ, anta kiɗ mi ta.

¹³A wurslika mubuliy lavaɗa, wurasl a wuzla cuw, asi gi teŋteŋ naŋ, anta kiɗ mi ta,

¹⁴a cuh ti Israyeleye ti wuzla mubuliye, asi gi teŋteŋ naŋ, anta kiɗ mi ta,

¹⁵a pa haŋ da buy madiɗa ngi Ezipte ati soje naŋhaya, ng'ar mubuliy lavaɗa, asi gi teŋteŋ naŋ, anta kiɗ mi ta.

¹⁶A ngir ti sukwi naŋ ti wuzlaɓuh mikirɗak kirɗaka, asi gi teŋteŋ naŋ, anta kiɗ mi ta,

¹⁷A kiɗ buy madiɗahay le, asi gi teŋteŋ naŋ, anta kiɗ mi ta,

¹⁸a ngizla buy madiɗa misi ti gidaŋhaya le, asi gi teŋteŋ naŋ, anta kiɗ mi ta,

¹⁹i Sihoŋ, buy madiɗa ngi Amorihey, asi gi teŋteŋ naŋ, anta kiɗ mi ta,

²⁰waɗ Ok, buy madiɗa ngi Basaŋ, asi gi teŋteŋ naŋ, anta kiɗ mi ta.

²¹Joˀ a vula hirwuy taŋ da mizli mekelemey, ɓa a zumakaŋ, asi gi teŋteŋ naŋ, anta kiɗ mi ta,

²²a vula da Israyel, gawla naŋ mazuma, asi gi teŋteŋ naŋ, anta kiɗ mi ta.

²³Ndra misi ar bonoy na, a wuluk le ar ndra, asi gi teŋteŋ naŋ, anta kiɗ mi ta,

²⁴a purto ndra le avu mizli mazliram ti ndra tahaya, asi gi teŋteŋ naŋ, anta kiɗ mi ta.

²⁵A vula gwat ngi zum da gwat naŋ miga gar, asi gi teŋteŋ naŋ, anta kiɗ mi ta.

²⁶Hunumaka Bumbulvuŋ ngi muŋ, asi gi teŋteŋ naŋ, anta kiɗ mi ta.