Read South Giziga PSA 138 Bible Online

PSA 138 - South Giziga bible

PSA 138

¹Dimis ngi wuzla dimis ngi Davitey. Aw Buymisemuŋ, i wuɗ i hunumuw ti mevel ɗu wãˀ, i hunumuw ti dimis a mihiri kulihey.

²I huruk huruk a mbuŋ hay ngi ɗik mipal a, i hunumuw ti slimiɗ ɗiki, vur gi teŋteŋ ati gi mezle ɗik na, asi ki ɓa le ɗaˀ le, kisa ga ndra di fineˀ ndra makutukoko vuna ma.

³Ya muziluw na, ki ziliy mi le, ki tusiy didaka le, yo ki vuliy gidaŋ le ma.

⁴Bumbulvuŋ, anja buy madiɗa ngi si ruwuyoyo, a hunumukuw, asi ɓi ka miɓa ɗaˀ le ti balam ɗik na, a cinaka le.

⁵Anja a hunumukuw ti dimis asi slra ɗikeye, a ɓam: «Bumbulvuŋ, naŋ ti dudok haɗa!

⁶Bumbulvuŋ, naŋ misesẽŋ a muŋ na kwana, ara pura mizli muluɓ luɓ muwãˀhaya, yo a si na mbur muhuhumo vu le, zle ti naŋ mikileŋ.»

⁷Da ko ya a wuzla bonoy kwana, ki ga ɓa i ndir ti siifa, ki kiɗa mizli mazliram ti ya tahaya, joˀ gidaŋ ɗik a tiri ti ya bugawla.

⁸Bumbulvuŋ, ki giy gwataya gar. Bumbulvuŋ, gi teŋteŋ ɗike, anta kiɗ mi ta, gwat ka miga taŋ ti haŋ ɗike, ki pula taŋ mbak ta.