Read South Giziga PSA 14 Bible Online

PSA 14 - South Giziga bible

PSA 14

¹Dimis ngi wuzla dimis ngi Davitey. I mulumo di ar ɗerewol ngi buy dimis. Gilaway a ɓam ti kwacay taŋ: «Bumbulvuŋ anta!» A hiryam le, a gam gwat malambaˀ mukuy ta le, ko mbur loŋ asi taŋ magi gwat mezle anta.

²Bumbulvuŋ a guɓo le baɗ ti muŋ ng'ar mizli, ɓa a pur, da a lum mbur misi lesl pal mambiɗi ngir ti va kwana.

³A pulaka jiviɗ mezle le cek, a jumom le cek ar gi sulome. Mbur magi mezle anta loŋ asi taŋ ta, ko loŋ tekeɗe anta.

⁴Bumbulvuŋ a ɓi: «Mizli gar masoko ti bonoy da mizli ɗuwoyo, taŋ mazumam na, a zumam di i migir ngi mizli ɗuwoy, ko t'anta zilaka slimiɗ ɗu ta, mizli tayna a sinam gwat ta.»

⁵Yo pura taŋ so, ara jijikam, asi Buymisemuŋ a ro tir vay ngi mizli mijeŋŋehey.

⁶Mizli migeˀ ircecehey muɗuvaka wuluk taŋ taˀ na, ki wuɗo gaka taŋ di kiɗip teˀe, amma Bumbulvuŋ i li ɗum taŋ.

⁷Kay! I ra wuɗ pura milaha Israyel maso ti Siyoŋ na! Bumbulvuŋ, ti naŋ masa mo ti mizli naŋhay mijahay le ar beke zleˀe na, Zakop a zluzluɓ, Israyel a mumul.