Read South Giziga PSA 140 Bible Online

PSA 140 - South Giziga bible

PSA 140

¹Dimis ngi wuzla dimis ngi Davitey. I mulumo di ar ɗerewol ngi buy dimis.

²Bumbulvuŋ ɗu, lihiy avu mbur malambaˀa, jiginiy avu mbur misi moˀore.

³A wulkam nga taŋ sey ngi gi malambaˀ, vur hin gar na, ara zliram mizli ngi kiɗa vu.

⁴Irne taŋ teteɓ teteɓ ka ngi kaway, yo mi ngi balam taŋ, naŋ ka muwuŋ ngi kwecesl.

⁵Bumbulvuŋ, jiginiy ɓa i ci asi haŋ ngi misi moˀorehey ta, jiginiy avu mbur misi moˀore ma, waɗ avu mizli muwulkam ngi nduwiy sar na.

⁶Muhuhumo vuhoy a pam mazaɓ le ɗum a mbuŋ ɗu, a juwam zeweɗ, a ngam gadaŋ, waɗ a ngam gwatay a jiviɗe ɓa ngi ji ɗu.

⁷Amma yi ɓa Bumbulvuŋ: «ki Buymisemuŋ ɗu.» Bumbulvuŋ, ya matumbuluw na, jiko slimiɗ takwa.

⁸Bumbulvuŋ, Buymisemuŋ, ka ki gidaŋ malihiy, ki ra jiginiy hirnga ar vurumo.

⁹Bumbulvuŋ, ki cine cufuɗ ngi misi moˀoreheye ta, ki pula jiviɗ ɓa a gaka gwat taŋ mihinam di a kwacay na ta, vur taŋ masa cicam lak laka.

¹⁰Mizli majiginam mi avu ya tika tika na, anja mi malambaˀ taŋ na, a mbiɗi nga hirnga taŋ a muŋ!

¹¹Anja zayvu mihilɓiɓ a po nga hirnga taŋ! Anja Buymisemuŋ a pa taŋ haŋ ng'ar vu, ng'ar butum madiɗa, ɓa a boko gu mata.

¹²Anja mizli maɓam mi malambaˀ na, a cifam asi ruwuyo ta, mbur misi moˀore malla mukuwa na, anja hiryi a sipaŋ mbak le ta.

¹³I si na le, Bumbulvuŋ a sa ga jeŋŋe da mizli migeˀ irceceheye, naŋ ti mevel mezle avu misi murgahaya.

¹⁴Haˀaw, Buymisemuŋ, mizli mijeŋŋeheye, a sa hunumukuw, yo mizli misi mevel purlahaya, a sa cifam a mihiri ɗike.