Read South Giziga PSA 142 Bible Online

PSA 142 - South Giziga bible

PSA 142

¹Dimis ngi wuzla dimis ngi Davitey. A dir di dibiɗ ti naŋ misi ar butum.

²I zila Bumbulvuŋ ˀay ngar ngar, i tumbulo Bumbulvuŋ ˀay ngar ngar.

³I njikaŋ gwat ya maniˀic di, i ɓaŋ ɓi ngi bonoy ɗu.

⁴Da ya mihĩhĩy le wãˀ na, ki si na li ya maru ng'ara le. Jiviɗ ya maru ara vuna, a ngikiy ngamngam le araŋ.

⁵Pur hiri keɗ keɗ a ciki ɗu ayɗi: ko mbur maki slimiɗ ar ya anta! I si na i ɗum aka kini ta, ko mbur mawuluk ar ya anta.

⁶I tiluw mi le da ka Bumbulvuŋ! I ɓi: «Li ɗum ɗu i ka, zlili nga ya, angi hirwuy ngi mizli misi ti siifahay na, i ka.»

⁷Jiko slimiɗ ɓa ki cine widi ɗu, asi yi hĩhĩy wãˀ! Lihiy avu mizli masipikiy nder ndere, asi a finikiy le ti gidaŋ.

⁸Bo ti ya tir dangaya, ɓa i hunumuw. Ti ka masa giy mezle na, mizli mijeŋŋehey a sa gunikiy gun.