Read South Giziga PSA 15 Bible Online

PSA 15 - South Giziga bible

PSA 15

¹Dimis ngi wuzla dimis ngi Davitey. Bumbulvuŋ, kisa tiɓi wa ng'ar guɗuk ɗike ka? Masa cifi ar muwã ɗik mipal na, i waka?

²Sey i mbur magi gwat mizlir le ngi gi, magi gwat mijeŋŋe, yo mawuluk kasl kasl.

³N'anta ɓi ɓi tosl tosl ta, naŋ anta gi malambaˀ da mizli ta, naŋ anta za mbur migwi ava ta.

⁴Mbur, Bumbulvuŋ hĩhĩyaŋ ta na, naŋ anta ɗuv hiri ara ta, amma a ɗuv hirnga da mizli muzluwun ti Bumbulvuŋhoy, da a zluɓ ɓi le ar hudum kwana, naŋ anta mbiɗa mi ta.

⁵N'anta vul duvus da mbur, ɓa a maŋ di ti yam ara ta. naŋ anta tiɓi bisara ngi ziza mbur migi gwat ta na ta ndiɗaˀ. Mbur magi kahana, naŋ da deŋ gidaŋ gidaŋ.