Read South Giziga PSA 16 Bible Online

PSA 16 - South Giziga bible

PSA 16

¹Dimis ngi wuzla dimis ngi Davitey Aw Buymisemuŋ ɗu, jiginiy, asi yi tiri ti ka li ɗum ɗu le.

²I ɓa Bumbulvuŋ na: «Buymisemuŋ i ka! ɓa yi mumul haɗa na, sey asi ka!»

³Mizli ngi Buymisemuŋhoy misi asi ruwuy hana, madiɗa migisiŋ gisiŋhey, macirikiy hiri haɗa na, i taŋ.

⁴A ra sipam kulihey haɗa haɗa, mekelemey nga mbuŋ nga mbuŋ. Amma ya, y'anta sa pa taŋ pumbus ngi gwat ngi ga taŋ mikuli mata, yo y'anta sa zila slimiɗ taŋ avu mi ɗu mata.

⁵Bumbulvuŋ, ki zlili ɗu, ki mi nga ya. Maja siifa ɗu kaw i ka.

⁶Gwat masa gi avu ya na, i mezleŋ, mi nga ya ya mulum na, i mezle mifineˀ mekelemey.

⁷I ga sise da Bumbulvuŋ mavuliy kuti, ko ti duvuɗ kwana, a so keŋ ar wuluk ngir mevel ɗu.

⁸I ro hiri taˀ angi Bumbulvuŋ ndrehhe, naŋ misi ada tir hazum ɗu na, ya gidaŋ gidaŋ.

⁹Vurˀe, i ra mumul a mevel ɗu, membezleŋ ngi vu ɗu, ara zluzluɓu, yo dumvu ɗu, ara pul vu.

¹⁰Asi k'anta puliy mbak ng'ar li ngi mizli mumucahaya ta, k'anta pula mbur miteŋteŋ ɗike ar vigiɗe ta.

¹¹Ki ra bigiy jiviɗ ng'ar siifa, a mbuŋ ɗike, mumul ada haɗi, a ciki ɗike, i cine ndum ngi sete.