Read South Giziga PSA 20 Bible Online

PSA 20 - South Giziga bible

PSA 20

¹Dimis ngi wuzla dimis ngi Davitey. I mulumo di ar ɗerewol ngi buy dimis.

²Ar hin ngi bonoyo anja Bumbulvuŋ a ziluw mi, anja Bumbulvuŋ ngi Zakopo, a jiginuw ti haŋ naŋ!

³Anja a jinuw zle tir hay naŋ, yo anja a jihuw jah zle ti Siyoŋ!

⁴Anja a puyuk ti gwat ngi vul ɗike ko pal le ta, anja a hĩyã mikuli ɗik mizlam zlama!

⁵Anja a vuluw gwat ka mawuɗo, yo gwat ka mawulka ngi gi gar na, anja a kiɗuw mi naŋ.

⁶Dar i sa jam salalay didaɓ didaɓ ti drapo kaw kaw a haŋ, ti zila slimiɗ ngi Bumbulvuŋ, vur ka mulum bugawla na. Anja Bumbulvuŋ a guw gwat ka macufuɗaŋ gar.

⁷Wurenna, i si na le muduba: Bumbulvuŋ ara vula bugawla da Mbur naŋ muwunaŋ, ara zilaŋ mi baɗ tir hay naŋ misi a muŋ, Bumbulvuŋ ara vulaŋ gidaŋ, ara gaŋ gwat madiɗa ngi lahaŋ.

⁸Mizli mekelemeye, ara njaham hiri asi mota taŋ ngi vurumoy, numuŋhoyo, ara njaham hiri asi pilis taŋhay, amma ndra, i zilam di i slimiɗ ngi Bumbulvuŋ ndra Buymisemuŋ.

⁹Taŋ, taŋ gidaŋ gidaŋ ta, a ndilam a ruwuy, amma ndra, i cicam dedeŋ gidaŋ gidaŋ.

¹⁰Bumbulvuŋ, vula bugawla da buyo, ɓa tapas ndra masa zilaka buyo na, a sa zila ndra mi.