Read South Giziga PSA 23 Bible Online

PSA 23 - South Giziga bible

PSA 23

¹Dimis ngi wuzla dimis ngi Davitey. Bumbulvuŋ i mijigin ɗu, ko gwat mafucikiy anta.

²A vuliy musuko vu ar giziŋ miɗiɗi wureˀ aruŋ, aru ti ya nga mi yam miteˀteˀe.

³A ra vuliy gidaŋ, yo aru ti ya tir jiviɗ mezleŋ, ɓa ngi gi dudok da slimiɗ naŋ.

⁴Ko da i ra cuh tir butum misi luvuŋ ngi li ngi muc kwana, y'anta zluwun ti gwat neˀ ta wãˀ, asi k'ada ati ya, ki ra kisiy, ki ra cik vu angi ya, ya manjih hiri na, aseˀeŋ.

⁵Ki vuliy ɗaf ngi muguzlum taˀ a mbuŋ ɗu, a mihiri ngi mesene ɗuwoy. Ki piy mal mazĩˀĩ ndum nga hirngaŋ. Ki nihiy sikiɗ ɗu le peɗe peɗe ti mbaazla.

⁶Haˀaw, cine ndum ati gi teŋteŋ ɗike, ara kisikiy ar hin ngi siifa ɗu gar, yo yi sa mawa ngi hay Bumbulvuŋ, ɓa i sa ndir anga ar hin ngi siifa ɗu wãˀ.