Read South Giziga PSA 24 Bible Online

PSA 24 - South Giziga bible

PSA 24

¹Dimis ngi wuzla dimis ngi Davitey. Hirwuy ati zlili ngi raˀahaya, waɗ mizli ngi raˀahay gar na, i ngi Bumbulvuŋ.

²I naŋ Bumbulvuŋ muɗuva ruwuy a hirnga mubuliye, yo i naŋ maja gidaŋ gidaŋ a hirnga yama, ɓa a wus ta.

³Masa jiɗ nga muwã ngi Bumbulvuŋ i waka? Masa cici deŋ ar li naŋ mipal na, i waka?

⁴-I mbur mici ar dili ta, mbur misi mevel celelle, mavula vu naŋ da malambaˀ ta, yo anta hudum ngi gi gilaw da mbur ta ma.

⁵Bumbulvuŋ a sa ɗuwulaŋ mi, yo Buymisemuŋ milih naŋ, a sa vulaŋ gi gwat mijeŋŋe.

⁶Sukwi ngi mizli masipaka Bumbulvuŋ i tayna: mizli masupukuw gisiŋ gisiŋ na, sukwi ngi Zakopo, i taŋ so.

⁷Miviŋhey, murɗom nga muŋ! Miviŋ madiɗa misi zlezlehey, wunam purah purah ɓa Buy madiɗa misi ti dudoko a ci!

⁸Buy madiɗa misi ti dudok vuna i waka? I Bumbulvuŋ migidaŋ, miwirwir, Bumbulvuŋ miwirwir angi vurum.

⁹Miviŋhey, murɗom nga muŋ! Miviŋ madiɗa misi zlezlehey, wunam purah purah! Anja buy madiɗa misi ti dudok a ci!

¹⁰-- Buy madiɗa misi ti dudok vuna i waka? -I Bumbulvuŋ misi gidaŋ wãˀ, Buy madiɗa misi ti dudoko i naŋ.