Read South Giziga PSA 26 Bible Online

PSA 26 - South Giziga bible

PSA 26

¹Dimis ngi wuzla dimis ngi Davitey. Aw Bumbulvuŋ ɗu, giy kiita ɗu, asi joˀ ɗu naŋ kaslsla, yo i njih hiri le asi ka manja zluwun.

²Pura ɓi ngir mevel ɗu gisiŋ gisiŋ Bumbulvuŋ, wunjula lesl ɗu waɗ wuluk ngir mevel ɗu.

³Gi teŋteŋ ɗike naŋ da a mihiri ɗu, i ga gwata le kaɓa ɓi mikaslsla ɗik maɓa.

⁴I cifam ɗaˀ ati mitikina vuhoyo ta, yo i ci ɗaˀ ngi hay miɓi mi cuw cuwoyo ta.

⁵I hirsa hilfa ngi mizli migi malambaˀhaya le, i cifi ɗaˀ a hay mizli misi moˀoreheye ta.

⁶Bumbulvuŋ, i ra buna haŋ ɗu, ɓa ngi biga i ci ar ɓi ta, ɓa i guno li gi mikuli ɗike,

⁷ti tila mi, ti guw sise, yo ɓa i ɓa ɓi ngi gwat ngi zuma hirngahay, ka miga taŋ gar.

⁸Bumbulvuŋ, i wuɗ hay ka macifi ara na, waɗ li misi dudok ɗik ara na.

⁹Ki gi ti yakaɓa ka magi ti migi malambaˀhay na ta, ki kiɗiy vagay jom ati migi mungra madiɗahay na ta.

¹⁰A roko haŋ giw giw ti gi gwat malambaˀhay, taŋ ndus ndus ti gwat ngi vul ngatara ngi ɗiɗa mizli.

¹¹Joˀ ɗu naŋ kaslsla, lihiy, asi ka mapur ircece na.

¹²Sar ɗu naŋ taˀ ar li migidaŋ gidaŋ, yo a wuzla zigiduwo, i guw sise Bumbulvuŋ ɗu.