Read South Giziga PSA 28 Bible Online

PSA 28 - South Giziga bible

PSA 28

¹Dimis ngi wuzla dimis ngi Davitey. Aw Bumbulvuŋ ɗu, i ra ziluw, so jiniy. Gidigil muwã ɗu, ki disla slimiɗe ta! Da ki ro teˀ teˀ na, naɓa yi mbur miziza le.

²Cin, ya matumbuluw, ya matiluw mi, yo ya maziluw haŋ til nga hur hay ɗik na.

³Misi moˀorehey ati migi mungrahay na, ki guzuvuriy jom ati taŋ ta. A ɓam ɓi ngi vula zuy da mizli ɓula, amma mevel taŋ naŋ ndus ndus ti moˀore.

⁴Gi ti taŋ weˀe avu gwat ngi gi taŋ, weˀe avu malambaˀ taŋ! Gi ti taŋ kaɓa taŋ migam ti mizli na ya, mbiɗa malambaˀ taŋ nga hirnga taŋ a muŋ.

⁵Taŋ, t'anta jam lesl avu slra ngi Bumbulvuŋ ta, ko angi gwat naŋ maga ti haŋ naŋ. Anja Bumbulvuŋ a ngila taŋ ngiɓac ngiɓac, ɓa ko a ɗiya taŋ mata!

⁶Sise da Bumbulvuŋ, asi ara cine ya matumbuloŋ ˀay ɓaˀ a ruwuy na.

⁷Bumbulvuŋ i li ɗu muguno ti mohol, yo i mbaray ɗu, mevel ɗu ara njih hiri aseˀeŋ, yo a jiniy le. I ra zluzluɓ ti mevel ɗu wãˀ, yo i ra gaŋ sise ti zli dimisi.

⁸Bumbulvuŋ i gidaŋ ngi mizli naŋhay, i li ngi ndil ng'ara ti tuwaˀ, malaha mbur naŋ muwunaŋ.

⁹Bumbulvuŋ, laha mizli ɗikeye, ɗuwula mi da sukwi ɗike, tiri mijigin taŋ, ki slimiɗ ar taŋ ndrehhe!