Read South Giziga PSA 29 Bible Online

PSA 29 - South Giziga bible

PSA 29

¹Dimis ngi wuzla ngi dimis ngi Davitey. Kum gidaŋ ngi muŋhoy, ɗuvaka hirnga da Bumbulvuŋ, tilam mi ti ɓi ngi dudok naŋ waɗ ti ɓi ngi gidaŋ naŋ!

²Tilam mi ti ɓi ngi dudok ngi Bumbulvuŋ! Da ara biga, naŋ i Bumbulvuŋ mipal na, a hurkom huruk huruk a mbuŋ naŋ.

³ˀAy ngi Bumbulvuŋ a tikaˀay da yamaya, Bumbulvuŋ misi dudoko, a ga ɓa vuŋ a ndisli, Bumbulvuŋ a tikaˀay le da yam madiɗahaya.

⁴ˀAy ngi Bumbulvuŋ a cin ti gidaŋ, Bumbulvuŋ a buc buc ngi buyoy.

⁵ˀAy ngi Bumbulvuŋ a ngila mitereye. Bumbulvuŋ a ngila miter ngi Libaŋhaya.

⁶A ga ɓa ruwuy Libaŋ a jiɗ paŋ paŋ kaɓa zuŋ sla, yo ɓa muwã Hermoŋ a jiɗ kaɓa gawla mbana.

⁷ˀAy ngi Bumbulvuŋ a bo irne vu njilim njilim.

⁸ˀAy ngi Bumbulvuŋ a jijika wuzlaɓuh mikirɗak kirɗaka, Bumbulvuŋ a jijika wuzlaɓuh mikirɗak kirɗak ngi Kadese.

⁹ˀAy ngi Bumbulvuŋ a jijika muuni misi ti huroyo, ɓa a yam, a pakalaf ngi widis mingiriɗe avra. Mizli gar a ɓam a hay Bumbulvuŋ: «Dudok da Bumbulvuŋ!»

¹⁰Bumbulvuŋ a ro ar mekepel, ara zum buy. Bumbulvuŋ a ro ar janga naŋ, i buy madiɗa ngi sete.

¹¹Bumbulvuŋ a vula gidaŋ da mizli naŋhaya, Bumbulvuŋ a ɗuwula mi da mizli naŋhaya, a vula taŋ jam.