Read South Giziga PSA 38 Bible Online

PSA 38 - South Giziga bible

PSA 38

¹Dimis ngi wuzla dimis ngi Davitey. A zla ɓa gwat Bumbulvuŋ migaŋ di, ɓa a sinaŋ ava na, a so keŋ a hirnga.

²- Bumbulvuŋ, kiɗiy, amma ti himaˀ ta ɓula, kutiy, amma ti mevel ta ɓula.

³- Luvut ɗikey a lumikiy le, haŋ ɗik a zlumburiy le a ruwuy.

⁴Gwat mukuy kuy loŋ avu vu ɗu anta mata: a gi kahana, asi himaˀ ɗiki! Gwat mukuy kuy loŋ avu tesl ɗuwoy anta mata: a gi kahana asi mungra ɗu!

⁵Asi malambaˀ ɗuwoyo taŋ zikitiŋ dum hirnga ɗu, a jikiy le ngasl kaɓa gwat mududok haɗa.

⁶Waˀa ɗu ara huhuɓ, ara ɓul lulu, a gi kahana, asi gilaw ɗu.

⁷Vu guluɓ guluɓ, ya kupuyah wãˀ, vur hin gar na, y'ar li tuwuy.

⁸I cin vu njim njim ar giluwo, [2]. gwat mukuy kuy loŋ avu vu ɗu anta mata.

⁹Ya kpangbraŋ, kupuyah wãˀ, didaka kiɗmbat kiɗmbat, musuwun ara sli.

¹⁰Bumbulvuŋ, y'ani cuzluzl a mbuŋ ɗik ani, yo ya maniˀic na, ɗum ti ɗum ta.

¹¹Didak ɗu a ro gbeŋ gbeŋ, gidaŋ ɗu ara tiki, ko hiri ɗu anta wel wel mata.

¹²Ngama ɗuwoy ati cil ɗuwoyo, a cicam zar avu ya magi bonoy na, muy ɗuwoy a cicam kileŋ avu ya.

¹³Mizli mawuɗam muc ɗu, a ngam ngamngam le vur ya, mizli mawuɗam ɓa mendere a lumiy na, a ɓam ɓi le ngi zizi ɗu, yo a vam hiipas ar li kupiy ɓi.

¹⁴Amma ya, yi gi ka midigizla, y'anta cin ta. Yaka mbur misi ˀirne mingbaˀa le, maɓi ɓi gu ta.

¹⁵Yaka mbur macin ta, yo mbiɗi mi anta neˀ avu ya ta.

¹⁶I ɗuva wuluk ɗu le taˀ ar ka, Bumbulvuŋ: Bumbulvuŋ ɗu, Buymisemuŋ, kisa ziliy mi!

¹⁷I ɓi zleˀe: «Da i ra ru zuway zuway na, mizli mawuɗam pikiy hirnga na, anja a gam dungur ti ya ta».

¹⁸Ani ya gweˀ ngi ɓuruslu, yo bonoy ɗu anta tiˀi teˀ le ta.

¹⁹Haˀaw, i ra njika malambaˀ ɗu, yo mungra ɗu ara muɗiy didaka.

²⁰Mesene ɗuwoyo taŋ wirwir, gidaŋ gidaŋ, mizli magam ti ya mesene ngatara na, taŋ haɗi.

²¹Mizli mamikiy ti malambaˀ ar mezle ya miga na, ara mbiɗikiy hirnga, asi gi mezle ya masipa gǝr gǝr na.

²²Bumbulvuŋ, ki puliy fuk ta, Bumbulvuŋ ɗu, ki cifi kileŋ avu ya ta.

²³So jiniy! So kutum! Ka Bumbulvuŋ, milih ɗu!