Read South Giziga PSA 43 Bible Online

PSA 43 - South Giziga bible

PSA 43

¹Aw Bumbulvuŋ ɗu, giy kiita ɗu, yo jiniˀis asi ya, avu mizli manja pura irceceheye. Lihiy avu mizli migi slirey waɗ avu migimungra madiɗahaya.

²Asi li ɗu muguno ti mohol, i ka Bumbulvuŋ. Ki puliy fuk vur mike? Ki puliy i cuh ti ndurɓo hiri vur mike? Yo ki pula mesene ɗuwoy a njirslikiy vur mike?

³Bigiy li minjahha ɗik ati ɓi mikaslsla ɗike. Li minjahha ɗik ati ɓi mikaslsla ɗik a sa kisikiy, a sa ndilam ti ya a muwã ɗik mihĩˀĩ waɗ a hay ɗike.

⁴Joˀ i sa ndil ar li gi mikuli ngi ɗik, ka Bumbulvuŋ, ng'avi ka Bumbulvuŋ magiy ɓa i jiɗ mececẽleŋ na, yo i sa hunumuw ti gujuvur, haˀaw, ka Bumbulvuŋ ɗu.

⁵Ki lik vur mike, membezleŋ ngi vu ɗu? Ki niˀic ar ya vur mike? Zuwen ɗuva wuluko taˀ ar Bumbulvuŋ! Haˀaw, i sa gaŋ muguzlum ava ma. Naŋ milih ɗu, yo i Bumbulvuŋ ɗu ma.