Read South Giziga PSA 46 Bible Online

PSA 46 - South Giziga bible

PSA 46

¹Dimis ngi wuzla dimis ngi sukwi Kore. I mulumo di ar ɗerewol buy dimis, a zlaka ti ˀay miɓel ɓel.

²Avi ndra, Bumbulvuŋ i li ɗum ndra, i gidaŋ ndra, ar bonoy muluma ndra le gar na, ara kilo widi ndra ndrehhe.

³Ko da hirwuy ara wus hiɓik hiɓik, yo ko da muwãhay ara mbuzlam a hur mubuliye tekeɗe kwana, ndr'anta zluwunam ta.

⁴Ko da yam ara kiɗ kim kim, ara vuruɗ fuyõ fuyõ, ara ngi diɓel, a jijika muwãhay kwana, ndr'anta zluwunam ta na si.

⁵Amma mizaw ada na, zlazlar naŋhaya, a vulaka mumul da walahay ngi Buymisemuŋ, i li cifi ngi Buy Mifineˀ gwatay gar.

⁶Buymisemuŋ naŋ da ar walahay nana, naŋ anta jijik ta. Zle li muwun le wun si na, Buymisemuŋ ara kil widi naŋ.

⁷Sukwi ngi mizli ara bucam, buyoy ara jijikam ti ruwuy taŋhaya taˀ taˀ wãˀ. Amma Buymisemuŋ a buc ɓar na, joˀ hirwuy a luwuslu.

⁸Bumbulvuŋ misi gidaŋ wãˀa, naŋ da ati ndra. Buymisemuŋ ngi Zakop i li ɗum ndra.

⁹Soko, puraka slra ngi Bumbulvuŋ, naŋ mingizla gwatay asi ruwuyo.

¹⁰A cica vurum magaka asi duniya keɗeɗe, a ngila lekey ati ziwit ngi vurumoyo, a ɗuva vu da mbarayaya.

¹¹Buymisemuŋ a ɓi: «Pulaka gi vurumo! Yo sinaka sin le, yi Buymisemuŋ! I wa mizli le, i wa hirwuyo le.»

¹²Bumbulvuŋ, misi gidaŋ wãˀa, naŋ da ati ndra. Buymisemuŋ ngi Zakop i li ɗum ndra.