Read South Giziga PSA 6 Bible Online

PSA 6 - South Giziga bible

PSA 6

¹Dimis ngi wuzla dimis ngi Davitey. I mulumo di ar ɗerewol ngi buy dimis. Dimis ngi gujuvur.

²Bumbulvuŋ, giy kiita manja mevel, yo kutiy manja himaˀ.

³Puriy ircece Bumbulvuŋ, i ra hĩhĩy. Mbuliy Bumbulvuŋ, i ra jijik ti tesleye gar.

⁴I ra jijik ti vu ɗu gar. Na Bumbulvuŋ, ki kutuk hã ti vunaka?

⁵Mawa Bumbulvuŋ, so tiɓiy, lihiy, asi k'anta puyuk hirnga ti ya ta.

⁶Asi a wuzla mumucahaya, anta zilaka slimiɗ ɗike mata. I wa maguw dudok ar li cifi ngi mizli mumucahayaka?

⁷I tika gidaŋ ɗu le ar li tuwuy kaɗam kaɗam, vur duvuɗ gar na, i ra buna arngawo ɗu ceɗ ceɗ ti tuwuy, tuwuy a naha li hin ɗu le ceɓe ceɓe.

⁸Bonoy a giy hiri le dungurvuy, mesene ɗuwoy a gam le haɗi, i ɓusa gu mata.

⁹Kum mizli migi gwat malambaˀay, kiraham kileŋ avu ya, asi Bumbulvuŋ a cin tuwuy ɗu le.

¹⁰Ya mutumbulo Bumbulvuŋ na, a cin le. Bumbulvuŋ ara tiɓa diradibiɗ ɗu.

¹¹Anja mesene ɗuwoy a mam cek ti mesem, ti jijik kirkir, yo a mam gurjik ti mesem mihaɗi!