Read South Giziga PSA 67 Bible Online

PSA 67 - South Giziga bible

PSA 67

¹Dimis mulumo di ar ɗerewol ngi buy dimis. Dimis ngi gujuvur.

²Aw Buymisemuŋ ɗu, pura ndrˀircece, yo ɗuwula ndra mi! Anja ki pura ndra ti hiri mezleŋ.

³Ɓa mizli a sinaka jiviɗ ɗik a ruwuyo, yo ɓa mizli duniyahay a sinaka, ki Milaha vu.

⁴Anja mizli a hunumukuw Buymisemuŋ! Anja mizli gar a hunumukuw jom arleˀeŋ!

⁵Anja sukwi ngi mizli gar a jukuw salalay Buymisemuŋ, asi ki ga kiita da mizli kasl kasl, yo ki ra kisa sukwi ngi mizli a ruwuyo ma.

⁶Anja mizli a hunumukuw Buymisemuŋ, anja mizli a hunumukuw jom arleˀeŋ!

⁷Hirwuy a ga gwat ngi sifiheye le, Buymisemuŋ, ka Buymisemuŋ ndra, anja ki ɗuwula ndra mi.

⁸Anja Buymisemuŋ a ɗuwula ndra mi, yo anja hirwuy kuɗgulum gar, a ndir luɓ luɓ ava.