Read South Giziga PSA 70 Bible Online

PSA 70 - South Giziga bible

PSA 70

¹Dimis ngi wuzla dimis ngi Davitey. I mulumo di ar ɗerewol ngi buy dimis, ɓa gwat Bumbulvuŋ migaŋ di ɓa a sinaŋ ava na, a so keŋ a hirnga.

²Aw Buymisemuŋ ɗu, so lihiy, Bumbulvuŋ ɗu, kilo widi ɗu kutum!

³Mizli mawuɗam muc ɗu na, anja mesem a sirta taŋ! Mizli mawuɗam ɓa mendere a lumiy na, anja a mam ti mesem!

⁴Mizli masingiram kiraw ar ya na, anja a mam tilingir tilingir ti mesem!

⁵Amma mizli masupukuw gar na, Buymisemuŋ, anja a jiɗam mececẽleŋ vur ka. Yo mizli mawuɗam ɓa ki laha taŋ na, anja a ndiram ar li ɓi: «Buymisemuŋ naŋ madiɗa.»

⁶Yi misi murga, yo ya geˀ ircece, Buymisemuŋ ɗu, so kutum ng'avi ya! Ki mijini ˀis asi ya, ki milih ɗu, Bumbulvuŋ ɗu, ki zum vu ta!