Read South Giziga PSA 83 Bible Online

PSA 83 - South Giziga bible

PSA 83

¹Dimis ngi wuzla dimis ngi Asafay.

²Aw Buymisemuŋ ɗu, ki cifi teˀ teˀ ta, ki cifi ngbimme ta, yo ka joˀo si ta.

³Pura ayɗi, mesene ɗikey ara bucam ɓar ɓar, mizli mazliram ti ka tahaya, ara slikiɗam ɓi.

⁴A ra gam gidiɓi ar mizli ɗikeye, ara juwam ɓi yaŋŋa ar mizli ɗikey, ka majigina taŋ na.

⁵A ɓam na: «Akum, i ra zizaka sukwi taŋ avra, anja slimiɗ Israyel a kiɗ a si ruwuyo.»

⁶A jumom ˀay le yaŋŋa, ɓa a gam gidiɓi a hirnga ɗike.

⁷I mizli Edomoy ati Ismayeley, mizli Moˀapay ati Agaray.

⁸Mizli Gebalay, Amoŋhoy ati Amalekey, Filistihey ati mizli ngi Tirey.

⁹Ko mizli Asirihey kwana, a jumom le ng'avu taŋ, a jinaka dideˀ ngi Lotoyo le haɗa wãˀ.

¹⁰Buymisemuŋ ɗu, gi ti taŋ kaɓa ka migi ti Madiyanay, yo kaɓa ka migi ti Sisra ati Yabin a mizaw Kisoŋ.

¹¹Taŋ a ngizlam le kuɗup wãˀ a En-Dor, mupula taŋ mbak a diga, sesek ngi zãˀã hirwuy.

¹²Gi ti yarma taŋhayakaɓa ka migi ti Oreɓ ati Zeɓ na ya, yo gi ti buy taŋhaya cek, kaɓa ka migi ti Zeba ati Salmuna.

¹³Mizli tayna a ɓam zleˀe na: «Tuɓukum hirwuy ngi Buymisemuŋ da ndra.»

¹⁴Buymisemuŋ ɗu, kicuwura taŋ, kaɓa giziŋ himiɗ makil di.

¹⁵Kaɓa vu mazlizlira widisey a ɓuh, kaɓa irne vu mawura muwãhay.

¹⁶Gidiɗa taŋ ti burkataŋ ɗiki, ga taŋ zluwun ti musure ɗiki.

¹⁷Bumbulvuŋ, ga ɓa a pam mesem takwa, ɓa a mbiɗam hiri ng'avu ka.

¹⁸Anja a pam mesem, yo anja zluwun a ga taŋ hã ngi sete! Anja a micam ti mesem wãˀ.

¹⁹Anja a sinaka, mazilam Bumbulvuŋ na, i ka pal ɗiki, a si ruwuyo Bumbulvuŋ Mimadiɗa i kaha!