Read South Giziga PSA 84 Bible Online

PSA 84 - South Giziga bible

PSA 84

¹Dimis ngi wuzla dimis ngi sukwi Kore. I mulumo di ar ɗerewol ngi buy dimis. Dimis ngi gujuvur.

²Bumbulvuŋ misi gidaŋ wãˀa, kay, i wuɗ hay ɗike haɗi teˀe!

³Ci nga wazlaray ɗik a Zeruzaleme, ara giy vekeɗ vekeɗ. Mevel ɗu ati dumvu ɗu ara zluzluɓ ng'avu ka Buymisemuŋ misi ti siifa.

⁴Bumbulvuŋ misi gidaŋ wãˀa, Buy madiɗa ɗu, Buymisemuŋ ɗu, gweˀ avu li gi mikuli ɗike, ko mecẽhcet tekeɗe kwana, a lum li ngi ɗiya hay naŋ gu, yo mezlezleŋ ngi pilise, a ɗiyi hay ngi ji ziri naŋhaya.

⁵Mizli ngi hay ɗikeye, ara mumulom, anja a hunumukuw, ko mbak le ta.

⁶Mbur malum gidaŋ nga naŋ avu ka na, a mumul, a zuɓa jiviɗ naŋ ng'avi ka ti mevel mezleŋ.

⁷Mizli tayna, da taŋ mucohom le tir sozo mumuˀulo wãˀ na, Buymisemuŋ a tiri di li ngi yam, vuŋ munduvun a sa naha ti ɗuwula mi.

⁸Mizli tayna, ara ram, amma ara lumam gidaŋ nga mbuŋ nga mbuŋ, ɓa ngi ra biga vu taŋ a mbuŋ Buymisemuŋ a Siyoŋ.

⁹Bumbulvuŋ, Buymisemuŋ, misi gidaŋ waˀa, cine diradibiɗ ɗu takwa, Buymisemuŋ ngi Zakop, jiko slimiɗ ngavi ya.

¹⁰Aw Buymisemuŋ ɗu, pura mbur mijigin ndra hana takwa, mbur ka muwunaŋ na, tiɓaŋ ngi hay ɗike.

¹¹Asi mike na, ya magi hin purla a wazlaray ɗik a Zeruzaleme, a funa hin durmuk, ya maga ar li mekeleme le. Buymisemuŋ ɗu, ya mua miviŋ ɗik si na, a funa ya misi a hay mizli malambaˀhaya le.

¹²Bumbulvuŋ, Buymisemuŋ, naŋ ka pasa, ka mbaray. Bumbulvuŋ a gi mezle, yo a vula gi madiɗa da mburo ma. Mizli mandiram manja ɓi ngi mbiɗa taŋ hirnga aseˀe na, a vula taŋ cifi ar ndum.

¹³Bumbulvuŋ misi gidaŋ wãˀa, mbur manjih hiri njah asi ka na, a mumul!