Read South Giziga PSA 96 Bible Online

PSA 96 - South Giziga bible

PSA 96

¹Zlam dimis nawaya ngi hunuma Bumbulvuŋ, mizli ngi si ruwuyoy gar, hunumaka Bumbulvuŋ ti dimisi.

²Hunumaka Bumbulvuŋ ti dimisi, gakaŋ sise. Vur hine vur hine, tilam mi, ɓam, naŋ i milaha vu.

³Tilam mi ti ɓi ngi dudok naŋ a wuzla sukwi gar, gwat naŋhay ngi zuma hirnga na, tilam di mi da mizli gar.

⁴Asi Bumbulvuŋ i madiɗaŋ, a ndila le ngi hunumo, a gi zluwun da mburu, yo naŋ fineˀ kulihey gar.

⁵Kuli ngi mizli, i ngatara lambaˀ. Amma Bumbulvuŋ a ga muŋ le.

⁶A ra wucuɗ ti madiɗa naŋ ati dudok naŋ ngi buyo, hay nga naŋ na, naŋ rek rek ti gidaŋ ati dudok naŋ ngi buyo.

⁷Kum sukwi ngi mizli ngi si ruwuy gar, ɗuvaka hirnga da Bumbulvuŋ, ɗuvakaŋ hirnga, ɓam naŋ gidaŋ.

⁸Soko tilam mi, ɓam, Bumbulvuŋ, naŋ ti dudoko, soko ti gwat ngi vul kumoyo, cam taŋ nga wazlaray naŋhaya.

⁹Bumbulvuŋ, da naŋ mira biga kpak nga naŋ mipal na, a hurkom huruk huruk a mbuŋ naŋ, hirwuy keɗeɗe gar, jijikam kirkir a mbuŋ naŋ.

¹⁰Ɓaka sukwi ngi mizli gara: «Bumbulvuŋ i buy madiɗa, haˀaw, hirwuyo, naŋ da deŋ gidaŋ nga naŋ nga naŋ, anta wus ta. Bumbulvuŋ a ga kiita da mizli kasl kasl.»

¹¹Anja muŋ a mumul so, anja hirwuy a jiɗ mececẽleŋ, yo anja mubuliy ati gwat ngi raˀahaya gar a hurmom!

¹²Anja li ɓuh ati gwat ngi raˀahay gar, a gam muguzlum, anja widis ngi ɓuhoy gar, a jam salalay kiɗ kiɗ

¹³a mbuŋ Bumbulvuŋ, asi ara sawa! A ra sawa nga zum buy asi ruwuyo. A sa zum buy ar duniya ti jiviɗ mijeŋŋe, yo a sa ga kiita da mizli kasl kasla.