Read South Giziga PSA 98 Bible Online

PSA 98 - South Giziga bible

PSA 98

¹Hunumaka Bumbulvuŋ ti dimis nawayaŋ, asi a gi gwat ngi zuma hirngahay le. Gidaŋ naŋ ati madiɗa nga naŋ Bumbulvuŋ na, a tiram di bugawla le.

²Naŋ Bumbulvuŋ mulum bugawla na, a biga le, a njika gi jeŋŋe naŋ le a mihiri ngi sukwi ngi mizli gar.

³Gi teŋteŋ ati gi mezle naŋ da mizli Israyeleye, a saŋ le keŋ a hirnga. Buymisemuŋ ndra mulum bugawla na, mizli ngi si diˀis kurzluˀ gar a puraka le.

⁴Mizli ngi si ruwuy gar, jam salalay da Bumbulvuŋ, zlam dimis ngi cine ndum, yo kiɗaka gwat ngi dungur kumoyo.

⁵Hunumaka Bumbulvuŋ ti garaya, waka kiɗa garaya asi hurum ngi gwat ngi dungur kumoyo!

⁶Fam fugum, fam tulum, jam salalay da Bumbulvuŋ, buy madiɗa.

⁷Anja mubuliy a hurmom ati gwat ngi raˀahaya gar, yo duniya ati mizli ngi raˀahaya gara ma.

⁸Anja mizaw madiɗahay a kiɗam haŋ, waɗ muwãhay bac ng'avi taŋ, a jam salalay

⁹a mbuŋ Buymisemuŋ, asi ara sawa, ɓa ngi gi kiita a ruwuyo. A sa cifi, naŋ i migi kiita mijeŋŋe a ruwuyo, yo a sa ga kiita da mizli kasl kasla.