Read South Giziga PRO 31 Bible Online

PRO 31 - South Giziga bible

PRO 31

¹Hana i mi ngi kuti buy Lemuyel, mumuŋ mudubunaŋ di.

²Aw, mangal ɗu! Aw tanday ɗu! i kutukuw tuwaˀ haɗa!

³Ki tika gidaŋ ɗike ar ngwasay ta, yo ki pula vu ɗike mbak da ngwasay mazizaka buyoy na ta.

⁴Lemuyel, si mbaazla a zlir avu buyoyo ta, ko avu yaramahay kwana, barasa [7] a zlir avu taŋ ta.

⁵Asi da ara sam mbaazla na, a sa puykom hirnga ti ɓimujuwa, naɓa t'anta sa gam kiita mezle da mizli mizleweye mata.

⁶Anja a vulaka barasa jak na, da mbur mira mucu, yo mbaazla kwana, da mbur muro ti mevel hasl hasla.

⁷Naŋ misa le na, a puyuko hirnga ngi bonoyo, yo naŋ anta sa wulka gir misi ava na mata.

⁸Wuna mi, ɓa ki ɓi ar deɗe ngi mbur maɓi ɓi gu ta, yo ɓa ki jiniˀis tisi mizli mitikaka taŋ ˀay le.

⁹Wuna mi, ɓa ki ga kiita ti jiviɗ naŋ jeŋŋe, yo ɓa ki jiniˀis asi mizli mitikaka taŋ ˀay le waɗ asi misi murgahaya.

¹⁰Ngwas giɗaɗo, maluma gu i waka? Naŋ puɗaw haɗa fineˀ virzle hiri paatu.

¹¹Zil naŋ a pulaŋ vu mbak wãˀda naŋ, luuma gwat anta sa kica zile ta wãˀ.

¹²Ar hin ngi siifa naŋ gar na, a ga gwat ngi mumul da zile, anta gaŋ gwat ngi saŋ ti futuru ta.

¹³A sipi ngwic ngi tumuŋ ati gugumay mislirkeɗe gǝr gǝr, haŋ naŋ wirwir angi slra.

¹⁴Naŋ kaɓa palalam ngi migi tererehey, gwat ngi ngir ti naŋ na, a lumo di kileŋ.

¹⁵A slikiɗ ti li, ngi da ɗaf da mizli ngi hay naŋhaya, yo ɓa a vula slra da ngwas migi slra naŋhaya.

¹⁶A wulka ɓi ngi guva, a hiɗiki, a hirvi gudubun ti migir naŋ muluma ti slra naŋ tuwa.

¹⁷A juwa dingiriŋ ngiriɗ ngiriɗ, a mbura haŋ mbar ngi gi slra.

¹⁸A pura na, gwat ngi lum naŋ gar, ara ru kuy kuy, yo ti duvuɗ kwana, lampe naŋ a ro njur njur.

¹⁹A ndir ti teter kaw a haŋ, waɗ haŋ naŋ venevene ar li ji zana.

²⁰Haŋ naŋ baŋ vur mizli migeˀ irceceheye, a vul ti gula ti hazum da mbur misi murga.

²¹Vuŋ magi ti yam yaɓyaɓ na, anta zluwunaŋ vur mizli ngi hay naŋhaya ta, asi taŋ gar ti zana cuw cuw.

²²A ji borgohoy da naŋ vuna, zana naŋhay i ngi gugumay mislirkeɗ pal naŋ kine, yo migagazahay ndezze.

²³Ar cikil ngi mizli madiɗahay na, zil naŋ i mburu, ko da naŋ micifi le a wuzla mizli micawwa ngi ruwuy taŋhay kwana, kanah ma.

²⁴A tuf ɗeŋkece ngi hiɗiki, waɗ kandahay ɓa migi tererehey a hiɗikaka ava.

²⁵Gidaŋ ati ɗuva hirnga, i gwat ngi wuya naŋ, a wulka hin ngi mbuŋ ti singir taˀ avu mi.

²⁶A wuna mi ngi ɓa ɓi ti sinmijileŋ, yo mi ngi irne naŋ, i ngi kuta vu ti ˀay ɓaˀ a ruwuy.

²⁷Gwat mira cuh a hay naŋ gar na, ara puraŋ, yo ɗaf naŋ mazuma, i ɗaf ngi masafaya ta.

²⁸Ziri naŋ mizileheye, a hunumakaŋ ˀay paɗ a muŋ, yo zil naŋ a ngil di wuy deŋ, a ɓaŋ:

²⁹«Ngwas mupuɗaw puɗaway ada, amma ka na, ki funa taŋ le ceke.»

³⁰Gi mezle a gi gilaw, kuy ngi hiri anta zik ta, amma ngwas muzluwun ti Bumbulvuŋ na, ngi hunumo i naŋ pal naŋ.

³¹Wurkakaŋ migir ngi slra naŋ, yo anja a hunumakaŋ a wuzla mizli vur gwat ngi gi naŋ na.