Read South Giziga Sir 14 Bible Online

Sir 14 - South Giziga bible

Sir 14

¹Mbur maji lejeŋ avi irne naŋ gu na, a mumul, asi mi i gabal mifiliw, anta ɓa a giraŋ kwaɗay ta.

²Mbur misi wuluk anta giraŋ a mevele ta, yo a ndir mesem mesem daˀ avi gwat naŋ mawuɗo ta na, a mumul. Misi gizaka, anta cir hiri ta

³Da mbur misi zlili i misi gizak na, zlili naŋ a pulaŋ gir ngi mike? Mbur misi may gwata, a wuɗ zlili haɗa ngi mike?

⁴Mbur mapus milef, a zum ta si na, a pusa da mbur, i mizli mekelemey masa gam wuya ti zlili naŋ.

⁵Mbur maɓuto vu naŋ ti may na, a sa gi mezle da wa aruŋ maka? N’anta sa mumul ti zlili naŋ ta.

⁶Mbur maga bonoy da vu naŋ na, malambaˀ mifineˀ nah anta, a mbiɗi na i hirnga ngi moˀore naŋ na.

⁷Da ko mbur misi gizak a gi mezle le kwana, a gi di i wuɗ naŋ ta, na zle a sa bugo moˀore naŋ na gbaˀ na si.

⁸Mbur, gwat naŋ mupura le gar, a wuɗ da naŋ, a ɗuv hiri ar mizli ta, a hiris vu na, i mbur malambaˀa.

⁹Mbur maluwa hiri lawwa ngi luma gwata, gwat mavulakaŋ di gar na, anta mbaŋ ta, may gwat a muˀuloŋ mevele le.

¹⁰Mbur misi gizaka, gwat ngi zum ada avaŋ ngbaŋ, amma ngi zum nga naŋ vuna a kici. Ar siifa ɗike, ga mezle da vu ɗike

¹¹Sukum ɗu, da a gi na, ga mezle da vu ɗike, yo mikuli ngi gi ngi gi da Bumbulvuŋ na, gaŋ di.

¹²Wuluk ɗi, muco naŋ kileŋ ta, yo ki sina hin naŋ musluw di ta.

¹³Ɓa ki sa muc tikeˀe na, ga mezle da ngama ɗike, vulaŋ gwat ti gula ti hazum, weˀe avi gidaŋ ɗike.

¹⁴Gwat macuru hiri ngi hin pal na, ki pula ta, gwat mikaslsla ngi gi, ka mihĩya le, da ki luma jiviɗ naŋ le na, gaŋ.

¹⁵Naŋ kine, gwat ka muluma ti liiriɓ ɗike, ki sa pula da mizli mekelemey, da muzuma hayay masa wuɗkaka ti caca na, ki sina le takwa?

¹⁶Vul di, tiɓa mavulukuw de ya, cir hiri ka hana. Asi ar li ngi mizli mumucahaya, pur njiviɗ ngi mumul anta mata.

¹⁷Dum vu ngi mbur gar na, a hiryi ka zana, i ɓimujuwa ngi sete: «Sey ki mucu.»

¹⁸Widis misi kalaf mutukuzo na, zik neˀ a ra pi, zik neˀ ma na, a ra ɗiɗi ma. Avi dideˀ nga mbuŋ nga mbuŋ kwana, kine ya, a ra mucam, a ra yam.

¹⁹Gwat mizli magaka gar na, a sa susuyum, yo a susuyumom zlaɓ ati mbur migi naŋ vuna. Sipi sin mijileŋ

²⁰Mbur mawuɗ sin miljileŋ, yo a ga gwata ti lesl na, naŋ ar mumul.

²¹A wulka jiviɗ naŋ mazuɓa a mevel naŋ, yo a wulka gwat miyaŋ ngir mevel naŋ.

²²A bi gur ngi sipa sin mijileŋ, kaɓa mutuvul, a ra wi vu weˀ ar jiviɗ naŋ masa bi tira.

²³A pur tir fenetir naŋ, a cin deŋ a miviŋ.

²⁴A ɗiyaŋ mazlaɓa gweˀ avi hay ngi sin mijileŋ, a ɗiya guɗuk naŋ avu mohol ngi sin mijileŋ.

²⁵A ɗiya guɗuk naŋ gweˀ a ciki sin mijileŋ, a cifi kahana ar li ngi wuya.

²⁶A pula zir naŋhay da sin mijileŋ a jigina taŋ, a ndir joˀ asi susuɗuk naŋ.

²⁷Sin mijileŋ a ra gaŋ susuɗuku ngi niˀi, a ndir joˀ ar dudok naŋ.