Read South Giziga Sir 5 Bible Online

Sir 5 - South Giziga bible

Sir 5

¹Cifi setete mikaslsla ta Ki vula vu ɗik taˀ da zlili ɗik ta, yo ki ɓi: «Zlili ɗu vuna, naŋ muk ti ya si na,» ki ɓi ta.

²Ki pula vu ɗik da may gwat ɗik mihaɗa na, ɓa ɗiɗuw ng’ar gwat mevel ɗik mawuɗ na ta.

³Ki ɓi: «Mbur miwi ɗu ada kwa na?» Ki ɓi ta, naɓa Bumbulvuŋ a sa guw bonoy gbaˀ na si.

⁴Ki ɓi: «I gi mungra le, ko gwat migiy anta na» ki ɓi ta, naŋ kine, Bumbulvuŋ a nda ɓi hã zik.

⁵Da ki ra gi malambaˀ aseˀe aseˀe, ki ra kuso nga hirnga ɗike, ki ɓi: ‹a sa pulukuw taŋ na,› ki ɓi ta.

⁶Ki ɓi: «Buymisemuŋ a pur ircece haɗa ma na, a sa puliy mungra ɗuwoy mihaɗa na na,» ki ɓi ta, asi pura ircece ati mevel mufõh fõh gar, i nga naŋhay, yo a sa zuɓ himaˀ ng’ar mizli muzluɓaka le.

⁷Ki zum vu ta, mbiɗi ngavi Bumbulvuŋ, ki pula ngi tiprik aruŋ, ngi tiprik aruŋ ta. asi Bumbulvuŋ a sa zuɓ himaˀ ti gurjik, dar a sa susuyumukuw tapas hin ngi bonoyo.

⁸Ki gumbuˀ ti zlili muluma ti jiviɗ malambaˀa ta, tapas hin ngi bonoy na, ko anta sa puluw gir ta. Ɓi ɓi ka mbur mizile

⁹Ki kufa dawa, ar himiɗ maso ko ti damaka gar ta, yo ki zuɓ jiviɗe paɗ lambaˀa si ta, magi kanah, i mbur migi mungra maɓi tika kuy tika kuy.

¹⁰Cici gidaŋ gidaŋ ar gwat ka mawuɗo, ki mbiɗa mi aka aka ta.

¹¹Ndir ti slimiɗe jakka ngi cina mingiɓi, amma ki ɓi ɓi haw haw ta.

¹²Da wuluk ɗike mbrike na, mbiɗa da mbur maɓuw na, da ɓi anta na, tiɗa mi ɗike tiɗeˀe.

¹³Ɗuva hirnga ati vula futuru, a boko ar kiɗa slir, yo irne ɗike, a ziziw.

¹⁴Ki ga vu ɗike, ɓa mizli a purukuw ka migi mi memeɗe ta, yo ki ɓi mi ngi ci a kwacay mbur ta. Naŋ kine, da muhul a pi mesem le na, mbur mitikina vu, a sa gakaŋ kiita ti vu avaŋ.

¹⁵Wi vu avi mungra memeɗehey waɗ avi madiɗahaya.