Read South Giziga ISA 13 Bible Online

ISA 13 - South Giziga bible

ISA 13

¹Izayi mangal ngi Amoto, a til mi ti ɓi ngi gwat naŋ mupura a hirwuy Babiloŋ.

²Ar muwã midaŋ daŋ, ngam gwat mabigi vurum, wudam ng'avi sojehey, vurkoko taŋ, ɓa a coko tir miviŋ ngi mizli madiɗahay.

³Mizli muvulahay le da ya na, yi pula taŋ jiviɗ le. Soje ɗuwoy mabigaka himaˀ ɗu, da ya mulum bugawla le, a mumulom na, i zilo taŋ le.

⁴Cinam muwã mahurum, ngirziŋŋe kaɓa zigiduw taˀa. Cinam ˀay muwuwwo ar zuma buyoy, waɗ ar kus ngi sukwi ngi mizli. I Bumbulvuŋ misi gidaŋ wãˀ masingila soje naŋhay masa ram ng'ar vurum.

⁵A soko tisi ruwuy mikileŋ, tisi gazlavay kurzluˀ: i Bumbulvuŋ ati mizli magakaŋ slra ngi himaˀ naŋ. A soko ngi ngizla ruwuyo kap wãˀ.

⁶Wudam widi nbgi vagay asi hin ngi Bumbulvuŋ naŋ gweˀe! Hin nah so ka gwat ngi ngizla vu, i Buymisemuŋ mingizla vu mislino di.

⁷Vurˀe, mbur gar a pula haŋ giziɓat giziɓat, yo ko wa gar, ara hĩhĩy.

⁸Zluwun ara ga taŋ haɗa haɗa, musosoˀor ati vu ngi ji, ara ja taŋ. A wusam wurlaŋ wurlaŋ kaɓa ngwas mayi. A puram vu avu hiri avu hiri, welele, hiri kiliw kiliw.

⁹Puraka hin ngi Bumbulvuŋ ara sawa, i hin mihimaˀ, yo i hin ngi himaˀ mufõh fõh mufineˀ gidaŋ, a sa tiri ti ruwuyo daŋ daŋ, waɗ a ngizla migi mungraˀahaya kap.

¹⁰Wurzlaŋ ngi muŋhoy ati jum ngi wurzlaŋ mekelemey, anta sa wucuɗam mata. Pas a sa go luvuŋ, diga naŋ mabawa, yo kiya anta sa pusluɗa li mata.

¹¹Bumbulvuŋ a ɓi: «I sa kuta mizli ti bonoy vur moˀore taŋ na. Miziriɗamiheye, vur mungra taŋ madiɗahay, mukuwahaya, huhumo vu taŋ na, i sa kiɗa mi naŋ, mihirsa vuhoyo, gi gwat taŋ misi ti gidaŋ na, i sa ga ɓa a kiɗi.

¹²I sa ga ɓa mbur titira a lumam tuwaˀ fineˀ ɓiri tapasl tapasl pal naŋ, a lum tuwaˀ fineˀ ɓiri tapasl tapasl ngi ruwuy Ofire.»

¹³Naŋ kine, ya Bumbulvuŋ misi gidaŋ wãˀa, tapas ya masa zuɓ himaˀ, mevel masa jiy fõh fõh na, muŋ a sa jijik, joˀ hirwuy a sa wus hiɓik hiɓik daˀ arleˀe.

¹⁴Dar mbur gar a sa ru ng'avi mizli naŋhay, mbur gar a sa kil nga ruwuy naŋ, kaɓa mangazaw magidiɗakaŋ, kaɓa ginew gezleŋ taˀ manja mijigin.

¹⁵Da a lumam mbur le gar na, a sa zligaka gor njoŋ, da a jam mbur le gar na, a sa kiɗaka vagay ti maslalam.

¹⁶A sa buɗuslaka ziri taŋhay daˀ a mihiri taŋ, a vaka taŋ gwatay a haya, a hinam ti ngwas taŋhaya ti gidaŋ.

¹⁷Mizli Medihey mahĩyãka ɓiri bara ta, yo ko da a vulaka taŋ ɓiri tapasl tapasl kwana, t'anta wuɗam ta, i sa pa taŋ mi ɓa ara kiɗaka taŋ.

¹⁸A sa ngizlaka ziri mizileheye ti luvut, ko anta sa pulaka ziri baybayaya ta, ko anta sa puraka ircece da ziri memeɗeheye ta.

¹⁹Babiloŋ, virzle hirnga wãˀ ngir zuma buyoy, gwat ngi wuya macira hiri da Babiloŋhoy na, Buymisemuŋ a sa ngizla, kaɓa naŋ migi ti hirwuy Sodom ati Gomor na ya.

²⁰Ko mizli anta sa pam ara mata ndiɗaˀ. Mizli anta sa pam ara mata hã ngi sete. Ko mizli maslikiɗam a mbuŋ a mbuŋ kwana, anta sa ng'aka guɗuk taŋhay a diga ta, mijiginey kwana, anta sa cicam deŋ le ta.

²¹Amma, masa cifam a diga, i magama ngi ɓuhoy, biizimey masa nahaka hayaya, maduulihey masa cifam, waɗ bazuwayay[3] masa zluzluɓam a diga.

²²Motokoyõhoy a sa hinam ɓaˀɓaˀ ar walahay mimezle naŋhaya, yo sunɗuhoy a sa jam ar mugum naŋhaya. Ler naŋ a wuɗ a gi si, anta sa kirahaka hin nah ta.