Read South Giziga ISA 18 Bible Online

ISA 18 - South Giziga bible

ISA 18

¹Hirwuy misi palalam ngi raˀahaya, zana ngi kukur taŋ njar njar cuw cuw, misilaɓɓa mizaw Etiyopi na, kay naŋ ar bonoy!

²A slino mijiviɗeye tir mubuliy, joˀar palalam miɗiya ti ngaalak, capap a hirnga yam. Kum mijiviɗ miwirwirey, mam ng'avu sukwi ngi mizli suburohoy, misi vu kuleɗ kuleɗ na, sukwi ngi mizli tayna, mizli a zluwunam taŋ zle aka hã zlar hirwuyo gar. I sukwi migidaŋ makirpa mesene naŋhay asi sar, ruwuy misi mizaway mbeˀmbeˀe.

³Kum mizli ngir duniya gar, kum minahaka hirwuy na, masa ng'aka gwat ngi bigi gwat kaˀ a muwã na, puraka! Tulum masa zil mi na, cinaka!

⁴Asi Bumbulvuŋ a ɓiy zleˀe na: «I sa pul vu, i puro hiri tir li ya misi ara, kaɓa pas misi a hirnga li minjahha, magi hiri ngirzliw. kaɓa mulbuɗ mangis ar kiya ngi sifi.»

⁵Gweˀ ng'avi kiya ngi sifi, da gudubun a kiɗa mi ngi fuyuko le, a hil zingaˀ le, ara nih na, a slaka zuwal naŋhaya ti slagway, a bukoko mihaŋ naŋhaya, a kilahaka magaɓar naŋ avra.

⁶A sa pulaka taŋ gar da kilkandaŋ ngi muwãhay ati gwat misãmi ngi ɓuhoy. Kilkandaŋhay a sa ngiraka kiya lendeɓe ara, yo gwat misãmihey gar, a sa ngiraka kiya himiɗe a diga.

⁷Ti hin nana, sukwi ngi mizli suburohoy, misi vu kuleɗ kuleɗ, sukwi, mizli mazluwunam taŋ zle aka hã zlar hirwuyo gar, sukwi migidaŋ, makirpa mesene naŋhay asi sar, li misi mizaw mbeˀmbeˀ tuwa, a sa so ti gwat ngi vul da Bumbulvuŋ, Buy misi gidaŋ wãˀa. A sa so ti gwat ngi vulo, nga muwã Siyoŋ, ar li slimiɗ ngi Bumbulvuŋ, Buy misi gidaŋ wãˀ mazil anga.