Read South Giziga ISA 20 Bible Online

ISA 20 - South Giziga bible

ISA 20

¹Ar vi ngi Sargoŋ, buy Asiri mislino madiɗa ngi soje Asiri, ɓa a zlaka walahay Asdoto ngi kiɗa vu, yo ɓa a tiɓaka na,

²Ti nana, Izayi, mangal ngi Amoto, Bumbulvuŋ a ɓaŋ ɓi le zleˀe, a ɓaŋ na: «Cuko zana ngi vagay misi avu vu ɗik na avra, cuko taraka.» Dar Izayi a ga kanah, a rudigi gulndiŋ kine, manja zana, manja taraka.

³Bumbulvuŋ a ɓi na: «Vi ani makir, gawla ɗu Izayi ara liˀi manja zana, manja taraka. I gwat mabigi gwat, i ɓi minjika ngi zlira dibiɗ ati Ezipte waɗ Etiyopi.

⁴Naŋ kine ya, Buy Asiri a sa jo Ezipteheye ng'ar dangay, a sa jo Etiyopiheye nga ruwuy naŋ, gawla ati midigilahay gar. A sa so taŋ, manja zana, manja taraka. Gulndiŋ gulndiŋ kine, i gwat ngi mesem avu Eziptehey.

⁵Vagas a sa ga mizli, yo a sa gam welele, asi a roko hiri njah asi Etiyopi zleˀe, yo ara gaka dudok da Ezipte zleˀe.»

⁶Akẽh na, mizli ngir li vay tayna, a sa ɓam: «Puraka taŋ so, mizli ndra manjaham hiri asi taŋ, ɓa i ra ɗumom a hay taŋ, ɓa i lumam jiniˀis, yo ɓa i laham avu buy Asiri tuwa. Ani ndr'i sa laham mbri mbri maska?»