Read South Giziga ISA 4 Bible Online

ISA 4 - South Giziga bible

ISA 4

¹Ti hin nah, ngwasay tarnaˀ a sa ɗuvam mbur purla, a sa ɓakaŋ: «Ndr'i sa zumam ti haŋ ndra, i sa kam zana ti haŋ ndra. Anja a zilam ndra ti slimiɗ ɗik ngi ɓula mesem ndra na tewle.»

²Ti hin nah, Bumbulvuŋ a sa vul ɗongor ati dudok da mizli, yo hirwuy a sa ga ɓa mizli Israyeley mindiram ti siifa na, hiri cira taŋ, yo a zilam slimiɗe.

³Dar is ngi mizli Siyoŋhoy, mindiram ti siifa a Zeruzaleme, a sa zilaka taŋ mizli muvuku vu taŋ : i mizli Zeruzalemey, Bumbulvuŋ mutoho slimiɗ taŋhaya le ar ɗerewol naŋ, ɓa a ndiram ti siifa.

⁴Ti Bumbulvuŋ misa zuɓa dili ngi ziri diili ngi Siyoŋhoyo le, yo naŋ misa buna pumbus ngi mizli Zeruzalemeye le ti himiɗ ngi kiita mijeŋŋe, yo ti himiɗ ngi vu na,

⁵a muwã Siyoŋ taˀ gar waɗ ar kus ngi mizli, ti papasa, Buymisemuŋ a sa bo ti gazlavay, ti duvuɗu, a bo ti cunju jom ti irne vu njahha. A hirnga gwat tayna, dudok ngi Bumbulvuŋ a sa bawa.

⁶A sa tiri guɗuk, mazlaɓ miɗiya ti kalafay ngi gi susuɗuk ti papas micãˀ cãˀ, a sa tiri li cifi ati li ɗum vur burgataŋ ati vuŋ.