Read South Giziga LEV 12 Bible Online

LEV 12 - South Giziga bible

LEV 12

¹Bumbulvuŋ a ɓa Moyise na:

²«Ɓa Israyeley anihĩ: Da ngwas misi huro, a yi di i mangal mizile na, naɓa naŋ da ti dili, hã hin tarnaˀa, kaɓa nguf mulumaŋ le na ya.

³Hin midangafaɗ naŋ na, a caka mangal a mizaw.

⁴A dirba nah, ngwas tuwa, a kutuk hã hin kukur makir nga makir, ɓa a buna medevle. Gwat mipal na, a ja haŋ ava ta, yo aru ng'ar hay ngi Bumbulvuŋ ta, hã hin ngi buna medevle naŋ na, a kiɗ mi.

⁵Da a yi di i zuŋ mongoso na, naɓa naŋ da ti dili, hã luuma cuw, kaɓa naŋ misi ti dili, nguf mulumaŋ le na ya. A dirba nah, a kutuk hã hin kukur merkeɗ nga merkeɗ ɓa ngi buna medevle naŋ.

⁶«Da hin ngi medevle naŋ mikiɗ mi le na, da i mangal mizile malla i zuŋ mongoso kwana, a so ti zuŋ tumuŋ ngi vi pal da masaya, nga mizlingre guɗuk ngi zlir ti ya Buymisemuŋ, ɓa ngi gi gi mikuli mizlam zlam wãˀ, waɗ ɗiyuw dirgwaɗ purla malla gonok purla, ɓa ngi gi di mikuli ngi pula mungra.

⁷Akẽh na, masay, a biga taŋ a mbuŋ ɗu, ya Bumbulvuŋ, yo da naŋ miga mezegwel ngi vula jiviɗ ngi pula mungra le ar ngwas tuwa na, naɓa a buna medevle naŋ le muduba.» Ngwas gar miyi mangal mizile malla zuŋ mongoso le na, ɓi mudubuna vurˀe i hana.

⁸«Da ngwas a vula zuŋ tumuŋ gu ta na, a wuɗ gonokoy cuw malla ɗiyuw dirgwaɗay cuw, mupurla mekeleme, ngi gi mikuli mizlam zlam wãˀ, yo mupurla numuŋ kwana, ngi gi mikuli ngi pula mungra. Da tapas masay miga mezegwel ngi vula jiviɗ ngi pula mungra le ar ngwas tuwa na, naɓa medevle naŋ a bun le.»